喜膳燒

May 25, 2017, Thursday

今日同麻煩鬼慢魔魔去試新餐廳呀!

呢間餐廳就响寶勒巷10號地下, 萬士昌大廈對面.   前天去老北京食完lunch見到, 今日過嚟試吓

呢道有的奇怪, 餐廳坐位可以放出大門口, 即係大廈的大堂

入到去原來好細, 大部份地方開放廚房佔用了, 座位L型圍著廚房, 只有四五張檯.  坐我好迫呀!

 
 船木做的檯, 我地呢張大的, 坐6個人(要搭檯), 隔離張細的就坐4個人

午市就係呢張menu

我要了一口霜降牛肉配雞全翼... HK$52, 只得四粒牛肉, 仲煎到乾哂.   的飯用白汁燴了幾好味, 但飯多餸少, 唔係幾啱我呢個大餸王.

 

麻煩鬼要了溫泉蛋义燒烏冬加大 HK$48, 配雞全翼.   加大加HK$8, 即HK$56.  比起搭檯的那位小姐那碗, 真係大好多.  入面有一塊日本义燒, 一隻溫泉蛋.

慢魔魔都係要了霜降一口牛, 都係得四粒, 不過佢呢幾粒就無煎到乾哂.

配雞肉串.

每人一杯柚子茶.

五十幾文個餐係好抵, 不過的餸咁少, 我無咩興趣.   但麻煩鬼對佢碗加大烏冬就食得好開心.  佢話有下次呀!