雙魚亭

Jun 15, 2017, Thursday

自從六月份要上training之後, 我地晚餐嘅時間就越延越晚.  响屋企食晚飯就無所謂, 我地等到八點就會先吃, 留餸比佢.   但約出去食飯就有的麻煩, 唔想等到太夜先出去食.

本來今日諗著去元朗一間餐廳, 同型爸預慶父親節, 但差不多八點, 二公子仍未肯定幾點可以走, 咁我地唯有兩個去上水另一家餐廳食.   下次先去元朗, 二公子呢掛好辛苦, 我地一的壓力都唔想比佢, 食餐飯好閒啫.

上次我地路經上水中心, 見呢間雙魚亭, 今日嚟試吓.

 

 普通餐牌, 單點嘅加HK$30 可改為套餐, 即有餐湯及飲品

 而一些已設晚餐, HK$75 - 150.

我地睇咗好耐, 覺得好難吃, 港式西餐廳, 覺得個餐牌有的怪, 要搵的大路野比較安全.

最後決定, 就要芝士焗肉醬長通粉, 仲有焗豬扒飯

 餐湯嚟到, 咦, 估唔到仲有蒜蓉包喎.   的湯就係比較糊嘅忌廉湯

 芝士焗肉醬長通粉, 估唔到又幾好味, 一的都唔鹹, 我加的辣椒仔就更好味

焗豬扒飯, 我覺得麻麻, 豬扒有的乾. 但型爸話ok喎.

兩份餐都係HK$75, 我地叫埋單, 都只係收HK$150, 即係唔使加一.

我地問佢要停車場優惠, 佢比咗另一檯的單比我地, 咁有兩小時, 我地可以慢慢行, 唔使趕啦.  唔該哂.