三門仔皇朝漁港

May 28, 2017, Sunday

星期日, 又係行山的日子, 今日好高興, 多咗兩位新人參加.   天氣熱,太陽猛, 組長太太提議行大埔滘林徑, 紅+ 藍.

型爸的膝蓋未好番, 本來佢唔行, 但佢又唔想我一個去行, 咁佢就陪我行紅路, 其他人就行完紅再行藍.

我地兩個行完紅先去攞車, 跟著去三門仔皇朝漁港攞位飲茶.   組長已經訂了位, 好彩我地早的去, 攞到張室內冷氣檯, 唔係就要坐戶外啦.

兩個人無野做, 叫咗一客紅油抄手, 脆皮豆腐.  碟抄生就唔似抄手, 因為係餃子唔係雲吞, 覺得有的怪呀!

大約半小時多的佢地就到.

呢道的點心都ok架, 哈哈, 不過價錢就貴的.   

要了粉葛鯪魚湯, 個湯唔錯, 十一個人每人有兩碗, 連湯渣都放到靚一靚

仲有脆皮柚子雞, 半隻燒乳豬

資深行山領隊話呢道的义燒飽好食, 結果要了四籠

綠豆沙糖水, 好味!

本來呢餐我地諗著羅漢請觀音, 上次新組員請我地食海鮮, 今次佢帶埋個仔嚟, 我地請佢飲茶, 點知, 佢地又撞見朋友, 張單又比人爭著埋咗....我地又食人一餐.

咁唯有下次再請過啦.   不過唔可以每次行完山都食得咁豐富....攪唔掂呀!