魚翅螺片煲雞

May 30, 2017, Tuesday

通常特別節日都會返奶奶屋企食晚飯, 好少响自己屋企做節.  但唔知由幾時開始, 奶奶話唔使做端午節.   我都唔記得去年奶奶已經無做端午節, 當的鄰居約我地聚餐, 我仲推咗唔得.  到我知道可以時, 鄰居門又已經被約.

無咩野做, 咁我就煲個靚湯, 在自己家做節啦.

組長好介紹, 買咗兩包已經發好的急凍魚翅, 今日就煲個魚翅湯啦.

翅本身無味, 咁就加的好味嘅野一齊煲, 我落一磅急凍螺片, 加隻雞, 再加的黑毛豬腿骨, 咁就一定好味啦.

的翅一梳梳先用薑蔥汆水, 凍水落水滾就可以拎起

螺片都要汆水

隻雞先去皮, 跟著同的黑毛豬腳骨一齊汆水

嘩, 幾多油, 汆完水都仲用過濾水洗多次先入煲

將的翅放在煲底, 希望唔好煲到散哂啦.   上次煲的碎翅, 散哂呀!

將其他配料放入, 加滾水按煲湯制, 攪掂.

煲起真係唔信, 只係兩嚿豬腿骨, 咁多油嘅

唔使擔心, 只要用去勺將的上面的油去咗, 咁的湯就清哂啦.   只係用萬能煲煲咗25分鐘, 的湯已經咁濃呀!

的翅都無散哂, 仲係一梳梳

今餐仲有口水雞

不過唔使整醬汁, 因為我响一田超市, 買咗樽麻辣口水雞汁呀! 

 

 只要用鹽紹興酒醃好隻雞, 蒸熟去骨斬件就得.   唔去骨唔得, 因為二公子一定要啖啖肉, 咁做阿媽就一定會遷就佢.

加的醬汁上面就得......中招呀!....做咩咁辣架!   好似自己整的好味的喎!

海蜇薰蹄, 薰蹄就係自己整的, 海蜇就係即食的.

加碟白菜他

大大碟的湯渣

三餸加個魚翅湯, 好好味啦!

三個人做節晚餐, 滿意呀!