金邊粉泰國菜

Jun 18, 2017, Sunday

Happy Fathers' Day!

呢兩日不停落雨, 行山組本來預備出海, 行程都要取消.   本來組長諗著唔出海都搵處嚟行吓.   最後都決定休息一天, 好彩咋, 唔係大家都肯定變落湯雞....各位父親, 瞓多一陣啦, 唔使咁早起身.

唔出海, 咁都要安排吓的節目....哈哈, 都係食飯睇戲咁啦.  我地先決定睇邊套戲, 再諗去邊道食....咁就


先開車去嘉禾粉嶺買戲票, 睇下午13:05

 跟著就去Pad Thai食午飯.   去到大約十二點, 哈哈, 唔使等, 即刻有位.

其實係有的早, 二公子都係食完早餐無耐, 咁係咁意叫的啦.

 
卒之聽侍應講, 要了一個海南雞二人套餐, 加一客肉鬆生菜包就算了

好快就有得食, 呢道嘅肉鬆生菜包味道唔錯

要了珍多冰及鹹檸y7


二人餐有半隻海南雞, 包咗兩碗油飯, 我同二公子每人食少少, 大部份都係型爸攪掂

呢半隻無骨海南雞幾好味, 送嚟時唔記得影, 現只剩下雞皮

今日嘅馬拉盞椰菜苗就淡咗的

星期日都無需加一.

相比起, 我地覺得呢道的泰菜, 煮得好味過蛋王花.

食完我地去睇戲啦.   呢間嘉禾, 我都係第一之次去.  粉嶺多咗兩間戲院, 方便咗我地的新界人士, 睇戲都唔使去咁遠呀!

沙告魯士...好耐無睇你的戲啦!