哥哥家做節

May 29, 2017, Monday

四哥一家就嚟返加拿大, 我地約好今晚去五哥家見面兼做節.

雖然星期一要返工, 我昨晚已經整好梅菜豬肉, 用冰袋帶回公司, 放工再攞去哥哥家.  呢碟梅菜豬肉, 都係用黑毛豬腩做, 肉質好, 味道好, 收到好多likes呀!

另外仲整咗薰蹄做冷盤, 實在太好味, 未開飯已經比佢地做送酒小食, 食哂啦... 唔記得影相添.

五哥今早從中山回來,  買了走地雞, 蒸熟先拿回來.   新鮮走地雞味道肉質都非常好.

蘿蔔煮魚鬆, 魚腸蒸蛋

炒蓮藕片, 長旺菜煮腐皮.

全部都是家常小菜, 但大家食得津津有味.....這就是家的感覺, 同外出食是兩回事.

我帶備了蛋漿, 撻皮, 又焗了蛋撻比佢地食.   哥哥家的焗爐, 一次只可焗9個, 火力也不太均勻, 我叫嫂嫂快的換個新焗爐呀!

大家開開心心同媽媽吃飯, 幸福呢!