今日要早半個鐘起身, 07:00am morning call, 07:30食早餐, 08:35am要開車. 因為我地要離開呢間酒, 今日車程會比較遠, 導遊希望我地可以早的去到另一間resort hotel, 可以享受吓陽光海灘.
今日早餐無食的咩, 又係嗰的, 今日試吓苦瓜, 有白粥就食的白粥
今日試咗呢隻納豆, 聽講好有益, 但味道就真係唔係人人可以接受....我緊緊頂得著.
食完早餐就去樹包厝(樹屋)影相, 其實第一天旅遊車已經經過
試影過好多張, 但真係無一張影得好, 當時太陽好猛, 好多角度都影唔好.
反而第一天從旅遊車快速影呢張仲靚的
影完相, 跟著就載我地去海鹽工場見學.....唉...嚟呢道得兩樣睇
就係呢個用布嚟過濾海鹽工場
過濾完就放到呢間房開爐烘乾
就係咁啦
原來仲係用柴燒....吓! 咁咪好嘥時間仲嘥能源...
望完兩眼就無野睇啦
不過望出去, 呢道嘅海景就好靚
呢道間手信店仲大過嗰個海鹽過濾場
導遊買咗, 每位團友一人一杯海鹽雪糕. 只係覺得第一啖有少少鹽味, 同普遍雪糕無咩分別. 但係都幾好味架.
走唔甩啦, 入去買咗少少手信
蕃薯味同海鹽味cookie
買咗的海鹽, 海鹽胡椒
我地跟著就去食晏啦
去咗一間叫真榮田嘅酒店餐廳食午飯
酒店餐廳入口
不過都無咩特別好食
反而我最有興趣係呢個冷麵counter
有三款麵兩款醬汁
一眼見哂嘅攞野食地
甜品有幾款, 不過下午都唔食得幾多
反而坐嘅地方唔錯, 睇落好似個露台, 但係全部有落地玻璃窗, 有冷氣, 又可睇到外面景色
外面嘅景色真係好靚
我無錯過呢道嘅雪糕呀!
跟著再試吓杯蒸餾咖啡, 有苦澀味, 普通
食完晏, 我地下一個景點就係去電影"戀戰沖繩"拍攝地萬座毛
呢道的風景真係好靚. 不過真係好囇, 要攞齊哂太陽三寶先至掂
由萬座毛出嚟, 見到呢款雪糕, 二公子要買嚟食, 佢話好好味喎. 我地仲係好飽, 唔食啦.
跟著就坐旅遊車去Rizzan Sea Park Resort Hotel
呢間酒店真係好大間, 大部份嘅客房都係向海
酒店嘅大堂都十分寬敞
呢個係房間, 唔係豪華, 但都幾大
有向海嘅露台.
浴室比較細
的toiletries 都好精緻
洗頭水, 沖涼用品係Shiseido出品
花花厠紙
電水煲茶具
Hotel information
導遊比咗呢張地圖, 有中英文, 方便我地揾地方
我地換衫落去游水啦....
個沙灘好靚, 我地租咗大陽傘, 兩張太陽椅, 共4,500 yen, 即係要hk$450.
落到去沙灘, 原來唔可以游水, 睇吓的水, 全部都有石, 我地要著拖鞋落去, 如果唔係會割傷腳. 黑色嗰條係咩...係海參嚟架.
離開水面, 條海參會噴水變細, 放番入水就會吸水, 條海參仲會吸著的石仔.... 玩完就將佢拋回海中放生.
玩咗個幾鐘就轉戰室內泳池, 但泳池實在太多人, 游咗一陣就返房沖涼預備去食晚飯.
呢張係我地嘅晚餐券, 有五間餐廳可以選擇
我地一早決定食意大利餐興祝我生日
睇咗menu, 覺得無問題
肯定張餐券可以用, 睇過的野都啱食
檯嘅setup好簡單, appertiser係自助嘅
餐廳近窗邊都可以望海
餐具都係自助
好多野食呀, 食物質素都唔錯喎, 真係淨食appertiser同甜品都已經飽啦
我揀咗嘅appertiser
叫咗兩份豬, 兩份牛做主菜, 我地share嚟食.
攞咗呢幾款甜品, 好夠啦
食到咁上下, 見到開始日落, 馬上出去影返的相...真係好靚
食完我地就出去散步
呢間酒店嘅設計, 真係間間都有露台向海
行到酒店另一間餐廳, 見到燈光通明, 行過去睇吓
原本餐廳外圍插滿火把
行到入去, 不來又係民族舞表演
跟著我地行出酒店
去到對面嘅FamilyMart
又買咗的野食呀, 二公子佢地又買咗的杯麵做宵夜, 真係有"食力".
沒有留言:
張貼留言