今日都唔需要好早起身, 7:30am morning call, 8:00am 食早餐, 9:00am 開車, 時間充足. 導遊話沖繩比較細, (地方有香港兩倍大, 但人口只得一佰三十萬), 車程都比較短, 有足夠時間.
入電梯落去食早餐時, 又見呢張海報, 介紹呢道的豬肉... 阿古豬. 但昨晚食嘅紙火鍋, 的豬肉都係咁上下, 唔覺好特別啫.
落到去睇吓食早餐嘅地方幾, 呢個係funtion room 出面.
望吓入面一樣係人頭湧湧, 大部份都係的日本人嚟渡假, 相比起, 我地旅行團嘅香港人都只係佔小部份.
的早餐就麻麻, 呢的係和式(即日式)
夾雜一的洋式, 嗰條黑色係咩....
原本係墨汁豬肉腸, 都幾好味架....昨晚先食完墨汁燉蛋, 今日又有墨汁腸, 唔通呢道好多墨魚收成.
日本的牛奶好好飲, 非常有奶味
型爸攞咗塊多士返嚟, 嘩! 呢道的麵包都整得好好喎, 非常鬆軟
最後就試吓呢道嘅特產...菠蘿...
每樣食少少都好夠啦.... 食飽飽就出發啦.....
今日換咗部旅遊車, 呢架車牌係510
跟著帶咗我地去一處地方叫坡上官, 導遊話呢個地方係加插架, 因為呢段時間係假期, 劏金鎗魚show嘅地方休息, 補番呢個行程比我地喎.
入廟拜神之前需要經呢個水手水舍洗手飲水, 話清除的污穢喎
上面有張圖教人點洗手, 先用右手用勺取水洗左手, 再用左手取勺洗加水, 剩下小許水用嚟洗口
廟外有一個牌, 唔知係咪話屬羊今年要拜神呢.
我地打咗個round就出嚟啦.
見到有個相比人抽吓的運程, 100Yen抽一個
我地四個人每人抽一個.... 呢面係日文
另一面係英文, 哈哈, 我地好好彩喎, 型爸抽到Very Good, 我就Good, 大公子又係Good, 二公子仲Excellent. 如果抽得唔好, 就將呢支籤縛起留喺到, 但我地抽到好就帶走啦.
走啦, 睇吓呢個坡上官, 我地要行條大斜路加樓梯先上到去, 早上九點幾已經囇到不得.... 要攞哂的太陽三寶(雨傘, 太陽帽加太陽眼鏡), 仲要加把扇先至掂....
沿路落嚟, 兩旁有好多燈箱, 刻咗的企業嘅名, 應該係佢地捐出嚟嘅
跟著落到去就帶我地行過去好近嘅孔子廟
個導遊話嚟到咁遠地方都有個孔子廟, 都值得睇吓, 亦都可以知道沖繩呢個地方受中國影響甚深
門口嘅大石
另一面側門
入面好細, 就係得呢個廟...
又係打個round 就走啦.
上到旅遊車, 個導遊就比張紙我地, 睇吓有無需要加的日本美食, 型爸點會放過吖, 今晚晚餐加咗兩塊石垣牛扒, 一客牡丹蝦刺身, 再加一客鮮帶子剌身. 第四晚就加咗一客龍蝦雜錦剌身船, 再加兩隻活鮑魚
跟著就帶我地去另一處地方文化王國玉泉洞
出面有個牌, 原來參加麗星郵輪去沖繩, 都係嚟呢道架.
睇吓當日溫度...31c, 又熱又囇
導遊攞咗門票之後就介紹一吓玉泉洞及呢道點走法, 及約定食飯地點
導遊先帶我地入紀念館講解一吓, 呢道有一個女仔嘅銅像, 話係當時呢個女仔第一個行出嚟扯白旗投降, 才終止了當時嘅戰爭. 當日盟軍打沖繩, 日本死了二十多萬人, 而盟軍只死了兩萬多人.
離開紀念館外, 出面有一隻大船
呢隻就係當年琉球進貢給中國嘅進貢船
跟著我地就自行入去玉泉洞
呢個洞我地大約行了30分鐘, 嗰度寫著入面嘅溫度大約21-22c, 但係我覺得空氣好悶, 我不停流汗, 後尾覺得胸口有的悶仲有的暈, 不過好彩好快就已經出嚟.
行到出嚟就係supermaket 同埋買紀念品嘅shop, 一嘆番冷氣, 當堂無事. 呢道又係介紹一的豬肉食品
行過見到呢個好似米奇老鼠頭嘅東西, 原本係豬頭嚟架, 佢地印咗個太陽花花遮蓋著最恐怖嘅眼睛, 當堂變得cutie的
仲有唔同嘅味道, 呢兩個仲攪鬼, 貼咗副眼鏡
仲有好多菠蘿產品
再經過買新鮮蘿蘿嘅地方, 的新鮮菠蘿都好肉塑膠咁. 耍港幣80蚊一個菠蘿梗係唔買啦, 導遊叫我地食早餐午餐嗰時, 食多的咪得囉.
經過見到紫蕃薯薯片, 買咗一包試吓.
呢道好多呢的獅子, 個作用就好似滙豐銀行嗰對一樣, 開口嗰隻係雌性
跟著我地去行吓文化王國村, 熱帶果樹園, 玻璃陶器工房...都係隨便行, 好熱, 行到身水身汗
一行到出嚟, 見到有雪榚飲品, 即刻買啦. 超貴, hk$30一杯軟雪糕
榔青hk$100一個, 但係都要飲.... 唉!响泰國, 十蚊都唔使
椰汁hk$45一杯, 無飲
經過一處好似介紹整啤酒, 再睇吓的poster, 唔通用玉泉洞的水整啤酒
預備去約定餐廳食飯時, 見到呢個牌
型爸話要試吓呀! 500 Yen 一個人10分鐘
大家剝咗的鞋, 放隻腳入去腳入去, 哈哈, 好痕呀! 好攪鬼呀! 夠鐘啦, 佢地拎起對腳, 的魚就走哂嚟我度.....
唉唉, 夠鐘食飯啦, 我地遲到要快的啦. 不過去到又係食嗰的自助餐, 我地係咁意食的啦, 無影相. 食完就趕著去睇一個民族表演...元氣大鼓show, 有大鼓, 三線琴, 舞蹈表演, 個show都幾精彩, 但係唔準影相喎.
今日真係行程緊密, 下午食完飯就帶我地出海, 坐海底玻璃生態觀光船.
呢...下層嗰道啡色門, 行落去. 入面成團入都啱啱夠坐. 去到海中心, 好似沉箱咁, 下降咗幾尺
跟著就見到呢的咁靚嘅海底珊瑚....
上岸後, 導遊帶我地去行國際通.... 唉吔...好攰喎..
落車導遊帶我地去嗰的藥房什貨店(好似屈臣士嗰的), 又去掃的貸
跟著又見到雪糕檔, 二公子要了一杯, 哈有6層250Yen一杯(hk$25), 平過文化王國. 呢的軟雪糕又真係幾好味
走去行商埸, 的商埸大堂無冷氣, 只有商鋪入面有.
呢道好多買酒嘅店舖
仲可以試飲添
嘩! 我同型爸好攰啦, 唔想行...
走咗入呢間叫Blue Seal 嘅雪糕店...見唔到有coffe shop, 雪糕就雪糕啦
叫咗兩cone, 芋頭味同cookie & Cream, 都幾好跺喎
跟著就檢視吓的收獲
又買咗包苦瓜籽
仲有呢支日本Sake
夠鐘食飯啦, 去呢間叫BambohE嘅餐廳
餐牌寫著叫琉鳳堂
呢道係食自助網燒
我地隨便攞的肉返嚟燒吓先
呢道寫著限食一個半鐘. 導遊話的啤酒好抵飲hk$30一杯, 但係我地唔使叫呀
我地啱啱買咗支sake, 攞的冰就可以飲啦
我地訂嘅牛肉嚟咗啦
兩份都咁靚仔
即刻放入去燒啦, 好快就食得啦...好味
跟著就食帶子刺身
同埋的牡丹蝦
的蝦頭就用嚟燒
食哂的靚牛肉, 再攞呢的肉嚟燒就覺得的肉好麻麻啦, 不過我地都差唔多飽飽地
燒吓的金菇
大公子幫我攞咗呢杯咁大嘅雪糕做甜品
食完預備走時去洗手間, 經過睇吓, 餐廳都提供了好多食物(之前三位男士幫我出去攞, 我都唔使郁)
有前菜
各款肉類
各款壽司
咖啡茶
各式水果
甜品
飲品
汽水機, 冰機
今餐食得好夠呀!
返到酒店我地休息一陣就落去浸溫泉. 今日好攰, 浸吓溫泉都真係好舒服. 昨晚瞓得好舒服, 但今晚唔知點解, 浸完溫泉, 反而唔係瞓得咁好. 唔知係咪行程太過緊密呢.
沒有留言:
張貼留言