麥當勞黑白芝麻漢堡

2013年6月5日下午12:42公開累積瀏覽 339 1

May 31, 2013, Friday Afternoon

呢排見到電視賣廣告麥當勞嘅黑白芝士漢堡, 都幾想去試吓.

咁啱今日下午我要用lunch hour去整眼鏡, 另一個同事要1:30先可以出去食, timing啱啱好,  我整完眼鏡, 約同事1:30响 麥當勞見....食麥當勞好快啫, 半個鐘頭一定掂.



去到麥當勞, 同事都未到, 咁我就去買先, 黑漢堡係牛肉, 白漢堡係雞肉


我唔想食餐, 只係買咗一個黑漢堡, 要咗一杯水

一個包HK$17.60, 如果套餐就HK$30.90, 不過汽水薯條我都唔想食喎

打開個包見到有的開心, 覺得有的特色.

兩片牛肉漢堡, 煙肉, 生菜

仲有薯蓉蘑蘑醬汁...

 

張leaflet寫得好詳細, 仲好似好好味, 但食落真係一般, 個包黑色, 咬落無咩味, 亦都唔似平時食嘅漢堡包, 的薯蓉醬汁微酸, 都過得去, 但唔會覺得好好味.

到我食完, 等咗一陣同事先到, 到佢去買野, 個腦突然話不如試埋個白芝麻漢堡啦 (錯誤的決定)...

一打開個樣幾靚, 但未買前覺得自己個胃仲有的位, 但買到返嚟就覺得開始有的飽, 不過唔買都買咗, 試吓啦.

餡料係煙肉炸雞生菜, 黑椒蘑菇醬汁

張leaflet 又係寫得好好味, 但呢個包就唔啱我口味啦, 好鹹呀...越食越鹹, 我要再問佢地攞多一杯水先得 (前後共3杯), 再加上我已經飽飽地, 食食吓唔食的包啦.  勉強食埋的餡, 仲覺得鹹.

 

我話比同事知, 好彩佢叫黑漢堡咋.

食完拖著個好重嘅胃行返公司, 抵死吖, 做咩叫兩個包啫, 仲要飲咁多水, 漲死你呀(自己同自己講)....知啦知啦, 有排都唔會食麥當勞啦(上次食已經係幾個月前嘅事)

返到公司, 仲係覺得好鹹, 又要狂飲水, 仲要食粒糖平衡一下....真係唔啱口味, 應該唔會食第二次.