緬甸涼拌秋刀魚

November 5, 2016, Saturday

今晚有聚會, 又要諗吓整咩.   另外兩位部屋整雞翼燒排骨, 咁多肉, 我就要整的蔬菜類.

同Cindy商量, 佢話不如整涼拌魚啦...又好嗰, 呢樣佢之前整過, 食落好清新.

呢的係四條秋刀魚, 除好頭後, 連骨放入萬能煲煮20分鐘, 煮完之後, 的骨都腍哂可以食.  瀝乾水份代用

蕃茄及紅蔥頭

仲有辣椒及蔥

三樣都放入盤中, 加入切碎辣椒

加入一湯匙魚露及一個檸檬汁拌勻, 跟著可以試味, 唔夠鹹就加魚露, 唔夠酸就加檸檬汁

最後加入蔥油, 呢的油係將炸完紅花頭的油留起, 好香架.

最後加上蔥花.

整好後, 我覺得好似差的野....Cindy先講, 平時會加椰菜....激死...而家先講,  屋伍無椰菜, 加青瓜都得加麻... 預啱哂時間, 要過去啦....算啦.