腰潤辣雞煲

October 29, 2016, Saturday

做阿媽嘅, 為咗個仔真係咩都得, 佢鍾意食辣雞煲咪整比佢食囉, 上次話隻雞細隻, 今次就買到大大隻.

醬料亦都加料, 沙茶醬, 麻辣醬, 仲有沙嗲醬

隻雞叫雞檔斬埋, 對我嚟講容易好多呀, 先用豉酒, 少許魚露, 紹酒醃一醃

薑蔥蒜唔少得

 

 今日仲有芹菜同大蒜

將的雞兩面煎王金黃半熟, 盛起

三大湯匙麻辣醬, 兩湯匙沙茶醬, 一湯匙沙嗲醬, 拌勻

用雞油爆香的薑蔥蒜

再加的醬料爆香, 加上湯煮成汁

再加的雞落去爆炒.

豬腰去哂的筋, 用水浸好去哂的異味, 跟著澀乾水份

豬潤又係要浸水, 煮之前先撈起,

將腰潤芹菜加入, 兜兜炒炒

跟著轉落個火鍋煲...今次隻雞好大隻, 滿哂

跟外仲備有火鍋配料:

蝦膠....哈哈, 睇吓我裝蝦膠呢個野幾型, 好似出街食咁

腐皮牛柏頁

三款丸

唐生菜

三個人夠唒食啦.

食完的雞就開結食火鍋

二公子就好開心啦.

佢同我講, 媽咪今次就幾好啦, 你個雞煲好成功啦.....真係比佢激死呀!