2013年7月16日下午2:02公開累積瀏覽 293
今早買了沙律菜, 中午食了, 晚餐又可以食....嘅然食沙律, 咁今晚嗰餐都係食西式啦.
突然間想飲西湯, 羅宋湯又唔夠時間煲, 又唔想飲礶頭湯, 見鬼嫁煲嘅法式洋蔥湯好似好好味咁, 等我又跟吓先.
我驚二公子唔鍾意大濃的洋蔥味, 沒有完全跟足鬼嫁的份量, 她煮的是二人份, 我要煮三至四人份呢.
材料: 洋蔥 2個, 牛湯粒 4粒, 水`1000ml, 牛油15g, 法包 3片, Mozzarella 碎芝士 適量.
先預備牛油, 將法包放入焗爐先焗脆
洋花切條狀
用牛油用慢火幾洋蔥炒至軟身 (大約十幾分鍾至半透明)
牛湯粒先用水開溶, 再加落洋蔥煲滾, 轉中小火. 我無跟鬼嫁煲45分鍾咁耐呀, 我諗我大概煲了30分鍾, 試味, 覺得啱口味, 加入黑胡椒同海鹽
用湯碗盛好, 先加入一湯匙碎芝士在湯裡, 放上已焗脆的法包, 再加一湯匙碎芝士在包面
預熱焗爐200c, 放入去焗3-4分鐘至芝士溶
咁就得啦....我隻碗太大, 的麵包浸耐咗有的腍, 但仲有的脆, 都好味架.
我只落了兩個洋蔥, 亦無煲得太濃, 我加多咗黑胡椒, 的湯有的辣辣地, 兩仔爺都話ok喎...... 不過我知道, 佢地最鍾意都係飲忌廉蘑菇湯呢!
今日鄰居過嚟餐後小聚, 食完飯返嚟, 即刻整定的簡易甜品.....豆腐花
今次買了另一款唔同牌子嘅豆漿....其實先己打豆漿都得嘅...不過懶又唔想攞部豆漿機出嚟