2014年3月17日 星期一

大排檔斑球兩味

March 13, 2014, Thursday Night

星期四Ruby放假, 晚餐出街食.   無咩特別要求, 最方便都係去大排檔.   呢排都會都去上水街市樓上熟食大排檔(晚上差不多整層都被強記包哂).   附近有停車埸, 衛生環境又好的, 最主要係快, 咁我地就可以早的返去陪Loki

哈哈,得嗰幾個人食飯, 但叫咗兩味魚, 因為各有所好.

要了斑球兩味, 估唔到好大碟, 的斑球有的水準, 魚皮十分厚, 即係大大條海理.  味道都ok, 如果唔落鹽醃的魚就更好.  呢碟斑球無骨, 啱哂二公子, 因為有骨二公子就唔吼呢.

蒜蓉粉絲蒸斑頭腩, 啱哂我同型爸.  我喜歡食有骨的魚, 幾好味架.  兩味加埋HK$208, 呢個價錢酒樓食一定唔得.

二公子要了豉椒炒蜆, 又係佢favour.

今天例湯, 什菜豬骨湯, HK$28, 價錢經濟, 味道ok, 飲落又唔似有味精.

金菇粉絲肥牛煲, 味道唔錯, 但個煲就肉酸的

 四餸一湯, 埋單HK$367

簡單快捷, 差唔多半個鐘就食完啦.   停車場泊一個鐘就得.   要求唔高, 呢個大排檔的野係得嘅.


2014年3月16日 星期日

Al Dente - 寶勒巷

March 13, 2014, Thursday afternoon

今日下午同我的同事兩個人一齊食慰勞宴, 哈哈, 係自己慰勞自己.

三個星期前另一同事放假, 同事要頂替佢的工作, 忙足三星期, 今個星期可以甩難(唔使做兩份工作), 咁梗係要慰勞吓佢啦, 再加上攪公司party, 大家都出咗好多力, 我地要去食一餐


佢選了Al Dente, 上次佢生日, 我地都係嚟呢間餐廳

呢道的set luch唔錯架, 大約都係一百文一位
 
可選餐湯或沙律

 主菜有八個選擇, 實有一款啱心水

我們都選了餐湯配麵包, 但呢款意式麵包麻麻, 做我太鬆散

但呢個南瓜湯就幾好, 好濃, cream味不重(其實我鍾意多的cream架, 不過就好肥囉)

同事要了凍咖啡, 我唔要著, 我喜歡餐後熱咖啡
 
我要了Stuff Lemon Sole, 做得好靚, 好大份, 食唔哂

同事要了西冷扒, 五成熟, 佢話都ok

仲有甜品架, 雪糕配蛋糕, 一般啦, 唔記得影呀!

埋單HK$230, 呢間餐廳有的質素, 價錢算好抵啦.

久唔久都要嚟食吓.

2014年3月15日 星期六

深井裕記燒鵝

March 9, 2014, Sunday

今日型爸本來約咗的朋友一齊去行山, 由荃灣出發, 行到深井食燒鵝.  大概要四個小時.  怎知早上我們這邊下雨, 又濕又凍, 我怕天雨路滑叫型爸不要去了.   型爸的朋友在荃灣那邊, 只是天陰, 仍未下雨, 他們繼續出發, 我們便相約在深井等, 一齊食午飯.

他們行完的路線, 一出來便是深井. 

 他們約了去裕記, 其實我想試吓陳記架.   上次嚟食過幾次, 覺得佢地的燒鵝麻麻.

他們叫了一隻燒鵝, 半隻一碟, HK$460.  睇落ok, 但食落的皮韌架.  下次真係要試第二間.

其他小菜都ok嘅

椒鹽鮮魷
 
椒鹽豆腐
 
清炒豆苗

咕嚕肉

呢碟豉椒鵝腸鴨粉腸要HK$128
我地八個大人一個小朋友, 啱啱好.

埋單HK$1,260.   下次真係要去第二間試吓.   如果唔係次次嚟深井食燒鵝都打哂折扣.

2014年3月14日 星期五

乾鮑鮑魚麵

March 8, 2014, Saturday

昨晚好好的睡了一覺, 今早九點幾先睡醒, 真係好耐都無試過.  屋企張床真係最舒服嘅.

但今日天陰陰, 濕氣好重, 個人好似唔願郁咁.  型爸問我午餐食咩, 一諗鮑魚麵啦, 買咗就要食啦.

過年收到鮑魚麵禮盒, 開嚟食啦

解凍三隻煮好了真空包裝的乾鮑
 
洗的菜

急凍的醬汁解凍, 上次覺得的汁唔夠味, 今日加的蠔油再調味.
 
鮑魚解凍後放入碗內
 
加入醬汁加蓋入蒸爐蒸十五分鐘.  我唔敢將的鮑魚直接加入的汁煮滾, 的鮑魚會變韌唔好食.
 
的菜焯好就得
 
食得啦.  多咗嘅醬汁可以加落的菜道
 
鮑魚麵本身已有一包醬汁, 撈勻就食得.  
 
食鮑魚要用刀义呀!  食時醮的鮑魚汁 

食完本來型爸想去按摩, 但我唔係好願郁, 淨係想咩都唔做, 在家hea吓.

型爸話不如唱Karaoke啦 (啱啱佢又換咗個新機呀!)

過年時一粒瓜子都未食過, 趁現在靜靜坐吓剝瓜子...飲杯王老吉.
 
多咗好多新歌呀, 連中國好聲音的歌都有呀!

唱咗幾首, 轉為聽歌...差唔多五點, 帶Loki出去行街街.

今晚都唔會出去, 今日要响屋企hea番夠本.  (唔知係咪出完差的症候群)

2014年3月13日 星期四

出差寧波 - 2014 0307

March 7, 2014, Friday

轉眼就第三天, 今日下午兩點半飛機, 唔打算返寫字樓, 留在酒店工作, 慳番的時間
早餐都係唔想食, 要了小米粥, 今天沒有烚蛋, 變了茶葉蛋(哈, 唔知係咪昨天的烚蛋, 賣唔哂變了今天的茶葉蛋呢?)

食完回房覆email, 十一點幾便要check out.

十二點幾到機場, 排隊等check in, 兩點二十五分飛機, 但一點零五分先可以入去check in.  其實明知呢班機都係會delay, 但又唔可以遲的先check in. 唉.

check完in, 又係嚟呢間兩個招牌的機場餐廳

想食素菜麵, 但無呀! 唯一的油辣椒麵, 辣又唔想食.  最後要了一碗牛肉麵, 唔想食肉咪唔食的肉就得啦.

套餐先上水果及前菜
 
要了菊花茶

牛肉麵來了, 哈哈, 的牛肉好似牛肉乾咁, 不過都唔諗著食.

呢份餐RMB68

原本兩點二十五分飛機, 三點先可以登機.   坐咗喺飛機, 機長話交通繁忙, 上海控制塔話四點先可起機.   最後早了十五分鐘, 三點四十五分先起飛. 

好多老外响道呱呱叫, 佢地要connect flight, delay咁多驚趕唔切呀!

一個小時候serve餐

我又要了魚+麵, 不過今次改了蝴蝶粉, 剛食了麵, 又係食魚唔食粉.

五點幾landing, 攞埋行理再去停車埸攞車.   返到屋企已經七點九.

今日都好似無做過咩, 大部份時間都係在交通上

回到家真好, 同型爸撐檯腳, 感受下家的感覺.

明天不用上班, 可以好好的休息一下.