June 27, 2014, Friday afternoon
今日豆豆媽咪又買咗團購, 我地又可以試新餐廳
哈哈, 不過呢間餐廳一的都唔新, 個招牌仲好舊添, 而呢個地方一年都唔知經過幾多次, 但就從未去過. 呢間叫五宗印度餐廳, 响麼地道, 鹿鳴春樓下. 唔係樓下, 係地庫.
就係呢張coupon, 每位HK$68, 另加一服務
呢的陳年舊樓, 唔好expect的地方會好好.
一行到落地庫, 推開門就見到個"buffet" bar. 食物就係全部响哂道.
坐低就去攞食物. 嚟呢道食完要用番嗰隻碟去攞, 環保呀!
呢道係小食及沙律
呢道係主食及熱薰, 全部都係咖哩
我要了湯及每樣一點小食.
食過覺得味道ok再攞一點點
呢道嘅印度薄餅味道都唔錯
我喜歡印度茶, 所以要了奶茶, 不過呢杯奶茶, 並沒有New Sangreet嗰杯咁好飲.
一的甜品都無, 我地埋單時問, 佢地先攞咗一款出嚟. 似麵粉炸起圓型的東西用糖漿浸著. 我試咗一啖, 真係食唔到, 唯有吐出, 用餐巾包著掉咗佢.
的咖哩係ok嘅, 但overall呢間餐廳, 一的service都無(但都要收HK$7一位服務費), 我諗我都應該唔會再嚟.
不過都多謝豆豆媽咪, 有時間佢會睇吓有的咩野團購我地去試. 咁唔試又點知好唔好呢.
食緊嗰時, 隔離檯那位外藉男士, 猛咁同我講呢道的印度餐好正宗好好味, 佢响呢道食過好多次啦.
咁口味嘅野, 各有喜好, 總會有人喜歡, 豆豆媽咪都話的野食ok喎.
