流浮山食海鮮與型爸慶生

January 24, 2015

型爸下星期一生日, 今日咁急整個蛋糕係因為約咗鄰居今晚一齊出去食海鮮同型爸預祝生日.  咁食完飯返嚟就可以食蛋糕做甜品啦.

食晚飯, 我地自備酒水.   型爸林老闆都可以飲, 但我同林太唔可以飲.  佢兩位負責開車嚟, 我同林太負責開車返屋企.

我地訂咗球記, 佢地只供應蕎頭同花生作餐前小食

型爸同林老闆走去買的琥珀合桃嚟送酒

幾位男士一齊去選海鮮, 的海鮮又上得幾快呀!

迷你象拔蚌, 好鮮甜

白焯花螺

本地龍蝦, 芝士伊麵底

每人半隻,正呀!

炒芥蘭, 好搶手

呢間球記, 有兩樣野整得好好, 其中一樣係酥炸生蠔, 好鬆脆, 的粉漿一的都唔厚.  平時食酥炸生蠔, 我會飛哂的炸漿, 今日食埋的炸漿, 好酥脆呀!

買咗一條四斤幾嘅蘇鼠, 兩食, 蒸頭腩

炒球

仲有鹽焗奄仔

海鮮湯

大家都食到好夠. 呢餐埋單只係HK$4,200, 好扺食呀!  

食完就返五號屋大家繼續飲酒傾謁.

哈哈, 有Cheese Cake 做飯後甜品, 不過只係雪得兩個幾鐘, 唔係好夠凍

型爸話咁大個人唔使唱生日歌, 哈哈, Happy Birthday 牌都唔使放落去.

大家食完飯都好飽, 我兩個蛋糕都切咗一個再加四份一.   總算夠食.

開開心心又一晚.

魔鬼的化身

January 24, 2015, Saturday

好耐無整蛋糕啦, 型爸生日, 本來諗著懶的去酒店訂個蛋糕, 但去到Royal Garden, 見到New York Cheese Cake 要成六佰文一個(使唔使咁貴呀), 哈哈, 都係買料自己整啦.

一整就要整兩個, 因為會請的鄰居一齊食, 一個係唔夠架.

Cindy嚟咗幾個月, 完全唔迫幫手, 咩都要自己一手一腳, 溶牛油, 整餅底(每個餅底需要八塊消化餅壓碎加50g溶牛油), 放入雪櫃雪凍

真係魔鬼的化身嚟架, 每個要500g cream cheese, 140g 糖, 先打勻.

Cindy幫唔到手仲幫倒忙, 好彩比我救番.

仲要117g sour cream, 一茶匙雲呢拿香油.  仲要一隻雞蛋加一個蛋皇, 全部打型幼滑

將餅底從雪櫃攞出, 倒入芝士糊, 櫈平

170度焗50-60分鐘

50分鍾, 先拎一個出嚟, 個面焗得幾靚, 脫模

跟著整埋個面(117g sour cream + 28g 糖, 拌勻至無糖粒)

年幾無整, 估唔到的手藝都仲可以

在放入焗爐焗多10分鐘

呢個時候拎另一個出爐, 因為焗多10分鐘.  顏色深的.  先脫模.

焗耐的, 好似仲靚的添.

批埋個面先.

哈哈, 兩個都整得唔錯呀!

自已整係要花的功夫, 但係好味又慳好多呀.

等個蛋糕凍咗, 先可以放入雪櫃呀!   不過一陣出去食晚飯前要放入雪櫃, 唔係今晚食唔夠凍呀!

預祝型爸生日

January 23, 2015, Friday

人長大了, 對於生日好似無咁緊張, 但對於另一半生日又要緊張的喎, 我想佢知我緊張佢麻.

型爸下星一生日, 我今日就開始同佢慶祝.

Cindy今日放假, 我放工返屋企, 整個西式快餐佢食呀!

型爸好鍾意飲龍蝦湯, 上次買咗呢款龍蝦湯幾好飲, 只需加的cream, 加的brandy就已經好味.  正呀!

呢款黑松露pizza, 焗20分鐘又食得, 又係快靚正, 我都未影到相已經無咗一塊啦.

龍蝦湯加pizza, 最佳配搭

主菜係型爸同二公子都鍾意食的牛扒

今次唔用鑄鐵pan煎, 改用電煎pan

咁想食生的熟的就可以容易控制啦.

型爸喜歡飲龍蝦湯同食牛扒....哈哈, 完全滿足到佢吖...簡簡單單在家食一餐, 都真係唔錯架!

青衣城稻香漁港

January 21, 2015, Wednesday

昨晚先出去同舊同事聚會, 今日又係出去食.  因為今天係媽媽生日呀!

我地在青衣城稻香漁港食晚飯.   放工後由我開車去接媽媽, 跟著再送佢去酒樓.

呢餐又係十分扺食, HK$1,488 全包, 我地有十四位, 不過都唔使加餸, 只需要加壽包.

燒鵝一隻

上湯波士頓龍蝦伊麵

蜜豆花枝貢片

清蒸大海斑

鮮淮山浸時菜

芝香海鮮卷

紅燒海皇燴燕窩

蠔皇鮑菇浸時菜

仲有馬拉糕

我地加咗十八個壽包.

 

但食唔哂, 呢的大部份都要拎走

 
因為姪女訂咗個大蛋糕.

大哥大嫂從加拿大返嚟過年, 又可同媽媽慶祝生日, 一年無見, 大家都好開心呀!

對媽媽嚟講有咩野開心得過的仔仔女女返哂嚟, 但我仲有一位家姊一位哥哥要新年及新年後先可以返嚟呀.

又一村鄉村俱樂部

January 20, 2015, Tuesday

今日一早上咗國內工作, 晚上急急趕回來, 因為約咗舊同事聚會.   七點半要到呀!

同事住在又一村, 佢响又一村鄉村俱樂部訂咗一個房間

我地有二十幾人, 房間放了三張長檯.

同事安排了自助餐, 而食物係放响戶外


頭盤有薯仔沙律, 煙三文魚(啱啱攞哂), 火雞胸沙律

 
 麵包

 
三文魚海鮮湯

熱薰

炒飯炒麵, 薯蓉炒菜

仲有燒牛肉同羊架

甜品有芝士蛋糕, 啫哩, 生果

我要了的甜品....芝士蛋糕...唔夠芝士味, 都係我自己整嘅好味的.

仲有雪糕

我揀了芝麻雪糕

今日好開心, 好多舊同事好耐都未見過...今日要影番張大合照呀!

最開心係走嘅時候, 型爸已經開了車外面等我, 唔使我要轉車又轉車返屋企呀!