昨晚大閘蟹宴飲多咗, 本來應該好好瞓, 點知瞓到半夜醒咗瞓唔番, 到差唔多天光先再瞓得著, 點知一瞓就過龍, 攪到遲哂大到.
平時有大閘蟹食唔哂, 都會留起第二三日食, 但今次唔可以, 因為連續兩晚都約咗人, 都係送哂的蟹比人, 個個開開心心, 唔好放响雪櫃餓到的蟹瘦哂啦. 奶奶姑奶知道有蟹食(呢幾年都送蟹比佢地食), 好開心呀, 奶奶仲馬上煲粉葛湯回禮. 好彩的湯可以留, 免得拒絕奶奶的好意.
今晚我地去邊道食? 咪約咗型爸的舊同學囉. 今次好熱鬧呀, 估唔到佢地可以約到咁多舊同學, 真係難得. 老師, 律司, 咩師物司都有, 仲有一位係澳門的xx部局長. 哈哈, 型爸就咩師物司都唔係呀!
型爸其中一位舊同學, 開了一間私房菜, 叫好蔡館(應該係型爸同學的另一半姓蔡, 所以叫好蔡館吧!). 地址响太子道東1237號地鋪.
一張大長檯, 連大搭細共坐咗二十幾人.
今晚我餐單
我地去到已經開緊紅酒. 今晚我可以飲, 型爸要開車唔以飲. 況且佢昨晚飲得太多, 今日要休閒一天(anyway, 佢對紅酒都無咩興趣)
澳門來的xx局長, 帶來了黑毛豬火腿, 雖然係自帶食物, 餐廳主人, 馬上去買的密瓜回來作配合. 可惜我對綠色蜜瓜敏感, 食完喉嚨會唔舒服, 咁只食火腿.
睇吓今晚食咩:
牛奶魚湯, 用杯上, 味道都唔錯
滷水鴨, 呢碟有的特別, 用咗梅菜豬肉圍邊, 滷水鴨放中間. 但的鴨無咩味道, 麻麻.
鹽燒虎蝦, 都係一般
潮州蠔烙. 唔夠香脆, 但無咁油膩.
呢碟屬西式啩, 嘆燒(定炭燒)潮式牛肉眼, 潮式係指潮流唔係潮州. 的牛肉眼幾好味. 而拌碟係麻醬沙律菜
呢個好特別, 木耳汁魚麵, 幾好味呀!
跟著仲有每位一份清湯娃娃菜
兩呢碟囍麵算係甜品吧! 的麵好有咬口, 仲甜甜地, 我唔係好like呢!
呢道的食物同酒樓食嘅有的分別, 有好有唔好啦. 不過都算係新嘗試.
今日每位HK$450 咁又唔貴嘅, 佢地同學聚會, 唔使加一呀!
落鑊炸呀! 炸好盛起
加入雞肉炒熟 
