總鋪師

Jun 20, 2014, Friday

今日要上國內做野, 中午國內同事帶了我們去一家以前未去過的台灣菜館.

 
呢間位於沙井北環路的總鋪師.   店名對於我們來說有點奇怪, 但對台灣人來說就一點都不奇怪.
總鋪師的意義就是大師傅, 那大師傅開的鋪頭有什麼奇怪.

雖然台灣菜館, 但我地都食隨便叫, 中菜好台菜好, 都係食啫.

三杯鴨舌, 呢的似係新鮮鴨舌.  平時在香港買的冰鮮鴨舌, 都沒有兩條長勾的.

上湯浸蕃薯苗

本來同事要豬手, 點知今日無豬手, 就叫了這個紅燒肉

呢個豬紅豬腸鍋, 我唔啱食啦, 睇佢地食啦.

 蒜蓉蒸蝦

蒜蓉炒莧菜

三文魚炒飯

松子黃魚

 

呢個苦瓜黃豆排骨湯係送架, 又幾好味喎.

午餐實在太豐富.  不過呢道係深圳二線區, 價錢唔會太貴. 最貴條魚都只係RMB68.

食完快的返office, 做完野要返香港呢.

I. Cafe

Jun 18, 2014, Wednesday afternoon

呢排全城都係世界杯熱潮, 個個都响道講波....講波...都係講波

 一早睇免費報紙, 頭版見到呢個廣告, 好想試呀!   (廣告的渲染力真係好大.....)

咁食晏時就同兩位同事去麥當勞啦...

 去到Toyo Mall 樓下....Tiraisu咖啡...McCafe...又好想試呀!

點知....真係唔知....平時都好少去麥當勞....勁多人, 排緊隊嘅人...咁多條龍加埋肯定超過一百人, 是但排一條, 等十幾二十個, 起碼都要等半個鍾...

唉吔, 無得食, 要轉埸.   慢麼麼同事今日隻腳無端端後跟痛, 無法都要行.  咁轉去好近嘅大家樂快餐啦....叫麻煩鬼同事落去睇吓啦.....佢話唔好落去啦, 都有成四十人排隊.

唔想慢麼麼行咁多, 咁再轉去半島中心睇吓有咩野食啦.

  
 咦! 有間I. Cafe, 就呢間啦, 雖然都係要等, 但等兩張檯, 好快啫.

 呢間I. Cafe响半島中心都開咗好耐, 只不過我地好少嚟啫.   鋪仔細細, 呢一邊係廚房+幾張檯.  隔離仲有一個鋪仔又有十限八張檯....咁啱又撞到公司幾位同事.


 
 今日午餐有呢幾款選擇

  
 餐湯有呢兩款, 我要了南瓜忌廉湯

 
 我同麻煩鬼同事都要了蒜蓉什扒(雞扒+豬扒)意粉, 的蒜蓉汁都ok, 但扁意粉就腍咗的.

 
 慢麼麼同事要了解茄龍利柳扁意粉.   嘩, 的茄汁嘅顏色好恐怖呀, 不過佢話味道都ok.

 佢要了熱好立克

 我要了即磨咖啡, 要加HK$3

 麻煩鬼同事要了紅豆冰加HK$8

 呢間叫Cafe, 但只可以叫西式快餐店.

相比起Open Food Gallery嗰間L. Origine Cafe的食物煮法及味道就比呢道好的啦.   不過幾十文一餐, 多個選擇啦, 下次可以試吓的pizza, 睇吓的感覺會唔會好的.

明天再試吓麥記仲係咪咁多人.

仲有一間我地想去試, 但每次都仲係排緊長龍....呢間就係坤記, 要咁排法我地係唔會去.  中午只有一小時食晏, 唔想排隊嘥哂的時間.

父親節和牛焗龍蝦晚餐

Jun 15, 2014, Sunday , Father's Day

星期五晚與屋苑幾位父親同慶父親節, 但到正日, 都要同型爸再次慶祝架.

型爸鍾意食咩我梗係知啦, 最鍾意就係靚牛扒同龍蝦, 我心中有數啦.

除咗食, 型爸又鍾意去按摩, 一去按摩, 我就無咩時間, 要預早安排, 我先可以玩完回來整晚餐.

 
 呢幾塊和牛, 上次一田大減價已經買定, 我買了好幾塊, 睇吓, 每埋油脂分配都好平均呀!  出去按摩前由冷凍放去冷藏, 咁今晚返到嚟就應該降凍好.

 
新鮮龍蝦無時間整,  昨天去超市見到呢款熟龍蝦, 買嚟試吓啦, 好似麵包解咁啫.  買返嚟放入chill櫃, 按完摩返到屋企先拎出嚟都未遲

 
 龍蝦解凍完後開邊, 錦上蒜蓉牛油香草及芝士

  
 連同蔬菜薯餅一起放入焗爐.

  
跟著開兩礶蘑菇忌廉湯, 加一礶奶, 半礶水, 煮滾就得啦.

 
 龍蝦又焗好

食完就輪到的和牛啦.

  
 己解好凍

切開幾件

一面食一面煎, 鍾意食幾多成熟都得啦!

型爸當然話好味啦.  二公子就最開心, 呢兩樣都係佢鍾意食嘅, 今晚又唔使佢出去訂位請爸爸食, 十萬個開心啦.

餐後一小時, 仲有型爸最喜歡的雪糕涼粉....好滿足呀!

鹽水鴨, 炒什菜 + 素麵

June 14, 2014, Saturday

大餐之後, 常常都有後遺餸.   昨晚我的黑椒汁脆皮豬手好快沽清, 但係鹽水鴨就剩咗的啦.

 

剩得唔多, 啱啱好夠我同型爸做lunch.   今日食一樣咁好味.

只係煮了素麵

炒碟什菜


再加杯飲品


呢餐後遺餸+素麵都唔錯架.

天氣熱, 咁大碗麵都食唔哂, 留起的麵, 唔要湯, 放入雪櫃.  晚上可以食冷麵, 只要加的麻醬就好好味啦.

慶父親節聚餐

June 13, 2014, Friday

今晚除了為幾位父親慶父親節, 還要慶祝林家大公子回來放暑假, 真係一落機就嚟啦.  仲有林老闆就夜機飛歐洲出差....哈哈, 我地咩野都可以用嚟慶祝一餐

聚餐响五號屋舉行, 我放工即趕回家....(都真係好趕)....

話就七點半開始, 最終都要八點先人齊呀!

睇吓我地今晚有咩野餸:


八號部屋的大豆芽菜肉鬆炒粉皮, 呢味唔錯呀!  另外再煲了一個冬瓜粒湯, 名消暑呀!




 
林家人多, 整了三大碟, 魚肚炆勝瓜


 
 冬瓜炆雞翼

  
 炒米粉

 
 陶媽的雙魚....凍烏頭

  
 炸多春魚

 

Mrs Kua整了韓式燒肉, 生菜包肉加醬汁, 的紫蘇葉係自家種架.

  
 仲有炒什菜

 
 五號屋的黑椒汁脆皮豬手

 
 還有鹽水鴨呀!

 
非常豐富呀!  還有六號部屋,男女主人因工作關係, 到遲了來, 他家姐姐預備的咖哩雞沒有提早拿過來, 到他們出現, 我們已經食飽飽了.  嘻嘻, 沒有幫這菜拍照留念添.

今晚的餸太多了, 除了我的黑椒汁脆皮豬手第一時間清碟之外, 好多餸都剩呀! 

 
今晚林老闆帶了一枝Royal Saulte, 同型爸陶爸一齊飲.   五號屋開了三枝紅酒, 有兩枝2000年, 未及影相便被Rugy掉了空餅.   今次三枝紅酒都非常唔錯呀!