星期五晚與屋苑幾位父親同慶父親節, 但到正日, 都要同型爸再次慶祝架.
型爸鍾意食咩我梗係知啦, 最鍾意就係靚牛扒同龍蝦, 我心中有數啦.
除咗食, 型爸又鍾意去按摩, 一去按摩, 我就無咩時間, 要預早安排, 我先可以玩完回來整晚餐.
呢幾塊和牛, 上次一田大減價已經買定, 我買了好幾塊, 睇吓, 每埋油脂分配都好平均呀! 出去按摩前由冷凍放去冷藏, 咁今晚返到嚟就應該降凍好.
新鮮龍蝦無時間整, 昨天去超市見到呢款熟龍蝦, 買嚟試吓啦, 好似麵包解咁啫. 買返嚟放入chill櫃, 按完摩返到屋企先拎出嚟都未遲
龍蝦解凍完後開邊, 錦上蒜蓉牛油香草及芝士
連同蔬菜薯餅一起放入焗爐.
跟著開兩礶蘑菇忌廉湯, 加一礶奶, 半礶水, 煮滾就得啦.
龍蝦又焗好
食完就輪到的和牛啦.
己解好凍
型爸當然話好味啦. 二公子就最開心, 呢兩樣都係佢鍾意食嘅, 今晚又唔使佢出去訂位請爸爸食, 十萬個開心啦.
餐後一小時, 仲有型爸最喜歡的雪糕涼粉....好滿足呀!
沒有留言:
張貼留言