D' Origine Cafe

June 11, 2014, Wednesday afternoon

今日去試新餐廳, 不過係新又唔係新

 呢間餐廳叫D'Origine Cafe














但係呢間餐响Open Food Gallery, 大廚薈美食入面其中一間食肆, 只係佢嘅售賣counter獨立.

上次佢地做完promotion, 人流又跌番, 我地經過望落去, 都真係少咗好多人.   哈哈, 我地食過人地HK$9.90 promotion, 點都要再嚟支持吓.

呢間西餐廳, 午市套餐都只係HK$48 包飲品, 但凍飲加HK$2, 如果想加餐湯加HK$10, 加沙律HK$10.   即係話如果要full course餐湯同沙律都要, 都只係HK$68.

另一位同事要了龍利柳香檳汁意粉配奶茶, 睇落的意粉少咗的, 男同事應該唔夠, 對女士就啱啱好.

我就加了沙律.  自從Sticky Fingers無serve午市之後, 都好想搵間類似的餐廳, 所以一定要試吓的沙律.  只係加HK$10, 梗係唔好要求太高.  唔可以話好好, 但的羅馬生菜都好新鮮.

午餐我要了什腸意粉, 原餐本來係薯蓉, 但我要求改了意粉, 味道都真係唔錯喎.

我要求咖啡後上, 因為咖啡要熱先好飲.  呢杯咖啡細細杯, 但咖啡質素得.   啱口味呀!

呢份餐都只係HK$58, 比Sticky Fingers 仲平了一的.  雖然係坐喺food court, 但我覺得無問題呀!

嚟呢道都仲有一個好處, 麻煩鬼同事唔想食西餐, 佢就可以幫襯其他食肆.


佢選了跑馬地蓮園的鳳瓜排骨蒸飯, 有湯有茶, 都只係HK$38.

睇佢地的leaflet, 仲有間叫檳城媽媽, 下次可以試吓呀!