簡單就是好

June 22, 2014, Sunday Night

通常一比一嘅時候, 通常都會係我贏....  哈哈, 唔係講波呀!

今晚只得我地兩個食晚飯, 型爸話不如出街食. 食西餐据扒啦.   吓, 上星期日响屋企都食咗和牛啦,今早又食咗黑松露醬汁意粉, 又要食西餐. 咁不如去食海鮮吖, 兩個人去食海鮮, 叫得的咩呀!

其實佢昨天已經話打邊爐, 我又bend咗佢啦.   今日都係唔想出街食, 兩個人喺屋企, 簡簡單單食餐晚飯咪算囉.

型爸咁多提議,都係怕我辛苦, 唔想我成日要煮煮煮.   但有時寧願食屋企的家常小菜都唔想出去食呀!

 

蒜蓉辣椒粉絲蒸黃花

 

蝦醬通菜


魚肉煎蛋

紫菜肉丸蛋花湯

 
兩個人, 三餸一湯, 好豐富啦.

型爸一樣食得開心, 其實佢都讚成簡單就是好啦.