星級美食廊, Open Food Gallery

May 26, 2014, Monday Afternoon

 常常經過寶勒巷, 見到的食肆有新開店亦有好多做一著關日, 真食一雞死一雞鳴.

  

呢間Open Food Gallery 開咗好幾個月,個中文名就好勁呀, 但都無幫襯過.   因為每次經過, 都覺得好靜, 無咩人流.  今日同兩位同事, 的起心肝, 入去幫襯一吓.

入到去都真係好多吉檯, 睇嚟佢地都要諗吓要點樣宣傳先得啦.

有上海店小江南 (好奇怪無小籠包位`供應)

 

北海道純奶製作, 算係日式吧

 

有All day breakfast

仲有一間中式, 跑馬地蓮香, 的蒸飯套餐好似幾抵食.

付款買完食呂, 將牌放在檯上, 到時有侍應送餐過來

一位同事要了鎮江骨套餐HK$50, 有菜飯餐湯, 不過的鎮江骨完全唔係上海風味.

另一位同事要了上海粗炒HK$55, 碟麵唔算大碟, 送嚟時聞到味道唔錯, 但同事食落話唔似即炒, 都唔知係咪叮熱, 我睇落就覺得唔係啦.

我要了煎蛋牛肉蒸飯, 有湯有茶, HK$38, 我覺得幾好喎, 的牛肉好肉食山竹牛肉咁囉.

的食物無突出之處, 唔算好亦唔太差.   但我同事好似唔係好like咁.

走時先發覺有西餐, 係另一邊獨立counter. 下次可以嚟試吓, 試多一兩次就知得唔得, 等我地食晏都多個選舉啦.