鹽水鴨

June 13, 2014, Friday

今年與鄰居的眾父親節聚餐, 安排唔到星期六日,  只可以星期五.   星期五本來都幾好, 明天唔使返工, 但對於五號屋星期五要上班, 跟著要返屋企煮餸都真係幾趕.

為免太趕, 整一的之前煮過, 又可以早一日預備嘅餸就最好啦.

鹽水鴨好耐無食過啦, 久唔久要整吓, 溫故知新, 好彩有寫blog咋, 唔係好快就唔記得呀!

 

昨晚已經預備好, 五粒八角, 五片香葉, 多的少的都唔緊要.

 

 

五湯匙鹽, 加一湯匙花椒

 

  

白鑊中小火烘炒至微黃

 

 

真係炒到微黃, 的花椒好香.   待涼, 一陣同隻鴨內外massage

 

 

隻鴨洗淨瀝乾, 加一片薑及幾條蔥放入鴨肚.  用烘過的花樣鹽將鴨內外塗勻, 放入保鮮袋, 放入雪櫃.

今天要返工, 吩咐Ruby六點開始煮.

將鴨攞出嚟, 掃去花椒鹽, 用一錮水煮滾, 放鴨, 薑片, 八角, 香葉, 煮40分鐘.

我返到屋企就已經煮好

鴨取出

斬件就得啦.

醃了一晚, 味道啱啱好呀!