黑椒汁脆皮豬手

June 13, 2014, Friday

除了整鹽水鴨, 我亦預備了另一樣餸.  就係黑椒汁脆皮豬手.

今次唔止整一隻, 係一次過整兩隻

今次無用嚟煲湯, 用高壓煲煮了25分鐘, 用凍水沖洗降溫

再用黑啤浸著.

 

今次亦都唔係用Philips airfryer, 因為一次過焗兩隻豬手, 點塞得落個airfryer. 唯有用焗爐焗啦.

隻豬手已經熟, 最主要係焗脆的皮.   200c, 焗50分鐘, 大約25分鐘時翻轉一次.

今次嘅亮點唔係隻豬手, 係呢個洋蔥黑椒汁, 上次焗脆皮豬手, 無整汁型爸話乾咗的, 所以今之一定要整個汁.

用了兩粒OX牛湯粒, 加了一杯半水開溶

預備洋蔥蓉及蒜蓉

 

亦預備了洋蔥(可加可不加)

 

  
用大約兩湯匙牛油起鑊

加洋蔥蓉, 蒜蓉, 還有兩湯匙黑椒粉 (我用原粒黑椒粒打碎).   爆香後再加入洋蔥兜炒

加入XO牛高湯, 加少許cream, 一茶匙糖, 最後加一小匙麵粉將汁變稠一點.....試味....好好味呀!

呢個份量可做兩碗汁

上檯前先起骨

咁食時就方使好多啦.

型爸讚的汁好好味呀!  不過餐檯兩部冷氣好凍, 好快就將的汁吹凍哂呀!  好彩無損的味道.