千江雪日本料理 - H8

May 29, 2014, Thursday

呢排出去食晏又食到悶哂, 都唔知去邊道食好.  

 

唔覺意响出去食午飯嗰個手袋入面見到千江雪日本料理張leaflet, 咦! 都真係好耐無幫襯過, 一於去吓啦, H8都好耐無去過.

 
一入到去見到呢的幾個擺設, 又好似好熟悉咁.

好耐無嚟, 的價錢每款加咗HK$3, 生意真難做, 我見到佢地的生意都係麻麻, 上到去大把位.

要了餐, 沙牛律前菜先上.   跟著係餐湯.

涼拌豆腐無問, 但的沙律菜真係唔得, 用的豉油嚟撈菜, 得個鹹字, 點攪呀!（金田的沙律真係好食好多呀！）  個味噌湯又係超鹹, 我兩位同事都唔飲.   嗰位侍應小姐問點解唔飲, 係咪好鹹, 哈哈, 咁即係唔止我地係咁啦.

我同另一位同事要了鯖魚定食HK$42

另一位要了滑蛋吉列豬扒飯，佢話味道都唔錯。

我要了熱龍蜜，兩位同事要了凍楊枝金露，的飲品就超甜。唔知係咪我地話的沙律同味噌湯鹹，所以的飲哈就整甜的呢！

送的甜品和果子都甜，不過的飲品就甜得誇張的。　

本來要加一，不過佢地又比咗九折，咁即係唔使加一。

今次食完又有排都唔會嚟，相比起我會幫襯金田多的囉。