滷水什錦

Nov 5, 2017, Sunday

除了整鹽水鴨,再 整多碟滷水什錦

呢鍋入面有大腸, 金錢肚, 火雞腎

汆水後全部放入萬能鍋, 加入自家製滷水汁...一按制就得

炆好拎上嚟先.

呢個時候先加豆腐及烚好嘅雞蛋....希逞滷得夠味啦

嘻嘻, 整好啦, 呢碟係咪都好睇得吓呢!

去骨鹽水鴨

November 5, 2017,  Sunday

今日有聚餐, 又唔知整咩好. 又可做小食, 又可以做餸, 咁就食鹽水鴨啦.

買咗一隻大鴨, 洗乾淨, 去清的毛

五湯匙粗鹽加一湯匙花椒

用白鑊烘香至微黃

盛起待涼

隻鴨洗淨瀝乾, 加一片薑及幾條蔥放入鴨肚.  用烘過的花樣鹽將鴨內外塗勻, 放入保鮮袋, 放入雪櫃雪一晚.

將鴨攞出嚟, 掃去花椒鹽,  用一錮水煮滾放鴨 (水要蓋過隻鴨), 加薑片, 八角, 香葉, 煮40分鐘. 

煮好待涼就可以去骨

今次Cindy話等佢試吓

雖然話去骨但有的部位都係去唔到, 例如頭頸翼腳

哈哈, 切起放碟放得唔靚呀!

隻鴨夠味呀, 我再整多個酸辣汁, 好味呢!

韓燒

November 4, 2017, Saturday

我平時都好少去shopping, 今日唔覺意去日本城買的膠箱裝什物, 唔覺意又買多一個多用途火鍋.   又可以做蒸鍋, 又可以韓燒. (真係唔理智, 屋企又多了一件野).

買咗就唔好嘥, 馬上今晚食韓燒

拎咗件dry age 牛扒 (型爸又出馬, 用把玫瑰刀切到薄一薄)

新鮮豬腩肉....切起有咁多嘅

預備了燒烤醬, 麵醬, 仲有泡菜蒜片鄗椒

新鮮靚靚生菜

 
嘻嘻, 個韓燒鍋出場啦, 用埋牛油擦吓個鍋毛

今生只係得兩款用...都可以肯定食唔哂

 
的牛肉好正呀!  型爸話就咁食都好好味呀!

咁放落生菜, 加的醬, 泡菜蒜片辣椒, 包嚟食無咁膩, 仲唔使食咁多肉.

燒完牛再燒豬腩...食幾塊都已經飽啦.

壽桃酸辣米線

Nov 4, 2017, Saturday

嗰日去超市見到呢款米線特價, HK$9.9 買嚟試吓

打開入面有四包真空包裝的米線, 一大包入面有四包, 咁即係HK$2.5 一包啦

的味粉煮起超深色, 好似好辣咁, 我加咗的腐皮札肉做配料

咁就成為腐皮札似酸辣米線

咁加多碟菜就理想的啦.

睇落好辣, 食落都唔算係勁辣, 不過味道又唔係覺得好好, 無意欲再買嚟食囉.

南涌尤德亭新娘潭

October 29, 2017, Sunday

工作壓力大, 除了煮食用嚟減壓, 行山都係一種方法

星期天早上去行山, 可以暫時忘記工作, 咩都唔諗啦.

今日好高興, 我地行山組加埋一個family, 並十六人出發, 行南涌尤德亭再去新娘潭

去到直昇機坪, 等的新人影吓相我地就馬上起程

都係嗰的地方, 都係跟著的路牌行

又到山中的十字路, 呢道都可以去烏蛟騰

的新人覺得好攰, 又其是那位大約十一歲的妹妹


但今日有位小明星, 佢只得工歲半, 跟著我地行無扭計, 比的零食氹吓佢就得.

落山時介紹吓呢道嘅八仙嶺自然教育徑

行完啦, 我地為小朋友鼓掌, 個個都比個叻叻豬佢呀!

人多一齊去海鹽飲茶

晚上就去組長屋企燒烤.   又有百芙30年, 哈哈, 呢道好多威士忌fans....不過我唔係呀!

我提供自家浸梅酒, 一樣收到好多likes 呀!

麻辣雞煲火鍋

October 28, 2017, Saturday

呢排真係忙嘔, 公司好生意又忙, 唔好生意都係忙, 不過就忙的唔想做嘅野....  唉, 唔想做都係要做....無奈!

趁星期六煮吓野食減壓呀!

買咗隻大雞, 斬件.  生用呢兩款醬配咗的雞 (每款兩湯匙)

都煮嘅時做, 再用兩湯匙麻辣火鍋醬, 一湯匙辣豆瓣醬

再加一湯匙黃豆醬.  上面嗰兩款醬有的鹹, 我同呢款帶甜的黃豆醬"和"番佢.

薑紅蔥蒜起鑊

將雞煎至七八成熟

轉落火鍋煲.....滾幾滾可以開始食啦.

今日配料仲有豬潤

腐皮魚蛋墨丸

生菜芥蘭秋葵

等食時係最開心

食完的雞就食豬潤

跟著煮烏冬

的烏冬好味

跟著魚蛋菜拌炒....美味.

全程只係煮烏冬及菜時加了少許水, 所以非常惹啦....正呀!