回鍋肉

2011年4月14日下午3:50公開累積瀏覽 212 1

April 9, 2011, Saturday Night

今晚鄰居又過嚟一齊食飯, 我預備整回鍋肉, 雞蛋焗魚腸, 拍黃瓜同埋煲個南北杏無花果雪梨蘋果雪耳瘦肉湯.

整好的珊瑚草, 就開始預備整回鍋肉.  本來應該整拍黃瓜先, 整好可以即刻放入雪櫃雪幾個鐘.  但係未買青瓜, 無法, 一陣間整好哂的預備工夫先出去買.

呢的就係整回鍋肉嘅配料啦.  有腩肉, 筍, 青椒紅椒, 椰菜.
腩肉先煲20分鐘至全熟, 用凍水過冷河, 切薄片(越薄越好, 我切咗幾片, 手軟, 叫Ruby幫手切, 點知望少兩眼, 佢切得唔夠薄, 即刻要佢更正, 不過都有十塊八塊頗厚).   椰菜用熱水燙至半軟.  青紅椒切段.

呢個餸嘅主打嘅醬料係豆瓣醬同甜麵醬, 份量啱的話, 都唔使落其他調味.

我見到的腩肉片好似有的未熟, 用蒜頭再爆熟佢. 盛起備用.
跟著攪掂埋的魚腸, 煲落個湯, 就出咗去買青瓜啦.

食飯前先煮埋呢個餸.
用蒜頭爆香的豆瓣醬同甜麵醬, 加腩肉再爆香, 再加青椒紅椒一齊炒(隻手軟到無力炒), 跟著落脆筍及椰菜(咁大碟更加無力), 即刻叫Ruby嚟幫我手再炒勻佢.

其實加兩隻指天椒落去炒, 辣辣地仲好, 但鄰居有的唔食辣, 都係唔好落.  我用咗一個椰菜, 又汆過水, 椰菜炒完之後, 繼續出水. 上碟時應該唔要的水  但當其時我隻手攰到無哂力(過濾的珊瑚草吊著隻手幾個鐘, 攪到隻手攰到無哂力),  Ruby幫我埋尾兼上碟, 我無睇著佢, 唔記得叫佢唔要的汁, 乾身的睇落去同食落去都會好的.

其實煮回鍋肉真係容易又簡單.