食完牛什河行完超市就坐的士過氹仔Crown Towers Hotel check in, 今次我地訂咗個package hk$2,862 (hk$2488 x 15%), package包括:
酒店房間一晚, 兩張水舞間C區入場卷, hk$300泥碼(每hk$100泥碼, 需加hk$200才可以用), 兩張回程澳門香港頭等船票.
今次嚟澳門, 最主要都係睇水舞間, 訂package時, 初時仲有A區飛, 點知講吓講吓, 又話無哂, 咁C區就C區啦, 家姊咁遠返到嚟, 時間又短, 咩區有飛都睇啦.
酒店話要下午三點先可以check in, 點知三點幾去到, 只係得一間房, 另一間仲話要等多一個鐘. 吓! 有無攪錯....咁一間房都要咗先啦, 咁我地可以先放低的行理.
入到去房間, 的房都幾靚(啱啱試著完Hotel Icon, 即刻周圍影做的比較). 咦!房間可以望入浴室喎.
房間唔係好大, 的相角度影得唔好, 因為要避開唔好影到其他人(我地五個人响間房呀!)
我地房間嘅景就唔錯啦, 望到對面威尼斯人酒店
比例上酒店洗手間頗大
雙人洗面檯
浴缸&Shower, 右手面係洗手間(無影到)
對著洗面檯係一個頗大嘅衣帽間
用嘅toiletries 個品牌係Aigner Black
其他supplies都好齊全
睇返房間右手面貼牆放咗個矮櫃, 中式設計, 但用嘅物料頗時尚
打開原來係雪櫃&Mini bar
雪櫃連著四個抽屜
第一層抽屜放咗不同款式酒杯
第二層有酒及幾款小食
第三層係咖啡&茶
最底層係水壺及冰壺, 設備都好齊全
我地放低的行理去吓洗手間就出去, 嗰位reception 小姐話可以先去水舞間攞飛兼畫位. 點知去到都唔係嘅, 一早已經畫定位, 仲安排喺最邊邊出場位置...真係有的唔like, 但係都無辦法, 因為全場爆滿.
攞完飛經過睇埋個龍騰show先返酒店. 返到去, 己經可以攞埋另一間房嘅鎖匙, 回程船飛已經訂好.
入到去, 呢間房大好多喎, 床尾有個大圓cushion
空間寬闊的
望出去都好開揚, 臨窗仲放咗張貴妃椅
但係張椅一的都唔舒服, 同Hotel Icon嗰張Designer chair差天共地.
再望真的個景, 原來係澳門科技大學. 睇落好簡陋咁嘅, 同我地香港間科技大學差好遠喎.
酒店嘅走廊都係用木設計, 個pattern同地毡互相呼應. 張地毡好厚, 吸音能力好高, 幾個人一齊行再拖著行理喼都唔嘈.
Overall, 覺得間酒店都好靚好舒適, 唯一美中不足係張床褥比較軟..... 都係瞓一晚啫....
沒有留言:
張貼留言