牛蒡紅蘿蔔蜜棗瘦肉湯

2011年6月25日下午2:55公開累積瀏覽 98 0                    

June 19, 2011, Sunday 父親節

 

本來今日無誌諗著煲湯, 實在太多人, 但我執拾檯面的recipe時, 見到有一個牛蒡湯嘅recipe, 簡單又易煲.  今晚咁多個父親, 大部份都有個肚腩, 呢個湯可以消脂降血壓, 增強免疫力, 好啱佢地飲喎. 屋企好似有一大包牛蒡片, 咁就煲呢個湯比各位父親飲啦(當然各母親一樣啱飲)

就係呢個recipe嘞, 上次買湯包, 煲完剪低個包裝說明.  我今次用雙倍份量嚟煲.

屋企有包好大牛蒡片, 用咗150g

蜜棗8粒, 紅蘿蔔2條, 瘦肉(大約斤半至兩斤)

因為要8公升水, 我又係要用呢個大煲.

當晚我都好忙, 焗魚又要焗兩次, 食完飯, 差的唔記得飲個湯.   突然醒起, 真係要尖叫, 即刻裝咗十幾碗出嚟, 的湯已經唔熱變和暖, 啱飲啦.    其實各部屋都好飽, 但係都捧場飲番碗.  好彩佢地都話好味.  Mr & Mrs Kua 每人飲咗兩碗添.  真係多謝哂捧場.  如果唔記得比佢地飲, 咁大煲湯, 我地都唔知要飲幾多日.

不過當晚又係好忙, 又唔記得影相.  唯有crop咗第二日幾餸一湯嗰彋相嚟用啦.  哈哈.