2011年6月14日下午2:25公開累積瀏覽 41
我地今個星期嘅gathering, 提早咗响Friday night. 星期三晚我地响八號部屋飲野, 大家講起Friday有咩野做, 點知個個晚上都話ok, 咁就Friday啦.
因為我要返工, 佢地話我平時煮得多, 今日唔使我煮喎... 哈哈, 真體貼. 咁我同型爸都唔可以兩梳蕉去架, 一於帶支葡國紅酒...呢枝紅酒中文譯名叫波霸...kakakaka
晚上七點半先開始.....
去到Mrs Kua整咗的餐前小食, 用Tortilla整嘅迷你薄餅
用雞肉
加紅蘿蔔, 芝士
加多一塊tortilla响面, 一壓, 芝士一溶就會黏實, 當其時大家都肚餓, 覺得好好味呀!
睇吓今晚有咩野食....
八號部屋嘅冬瓜盅
八號部屋專登出去買嘅陳六記燒肉
十三號部屋去基灣買嘅陳記燒鵝. 呢隻陳記燒鵝好食過裕記嗰隻喎, 起碼無咁鹹.... 裕記呀裕記老闆, 得閒真係要試吓的燒鵝呀, 唔好攪到的招牌野失哂水準.
Mrs Kua整咗一大鍋海鮮意大利飯
用個玻璃鍋裝著上檯. 不過唔知係咪大鍋得制, 今次煮得稍為濕咗的.
今日我地人算數唔多, 得十個人, 餸菜款式唔多, 但係樣樣都好夠件頭
係喎, 仲有兩碟菜, 清炒白菜
清炒西蘭花
嘩! 唔好睇好少野, 太多肉又有飯, 食少少已經開始飽
林老闆帶咗支靚酒嚟, 但係要透氣
咁就用個Decanter裝著先慢慢等, 我地就飲著其他酒先
八號部屋帶咗另一支白酒, 都係相當唔錯嘅白酒, 林老闆亦都帶了我地上次買嘅Terrazas 阿根廷白酒....
飲完白酒, 再飲我地帶去嗰支葡國Borba波霸. 用上次六號部屋送比我地嗰個Wine Aerator, 好快就飲得, 其實支酒咁嘅價錢, 都算唔錯.
我再返屋企攞的葡國olives過嚟送酒.
而林老闆帶嚟支Penfolds, 用咗Wine Aerator, 倒落個decanter, 等咗好耐, 倒落杯時再用Wine Aerator, 都係未透夠氣, 不過已經兩三個鐘, 我地等吓飲吓, 結果都飲哂囉.
八號部屋帶咗西瓜嚟, 十三號部屋又帶咗菠蘿, 又有飯後生果...但係個個都好飽, 真係唔食得幾多.
今日唔知係咪飲咗4款酒, 好快就覺得wing吓wing吓, 後期已經無影相Lu...
大家傾吓講吓, 又十一點幾, 個個都有的酒意(似乎唔止我一個wing wing地), 早的返屋企覺覺豬lu..
沒有留言:
張貼留言