陶妹生日BBQ

December 14, 2013, Saturday Night

 

今次真係要多謝陶媽, 咁短時間又攪一次BBQ party.  十一月底幫陶陶攪生BBQ日, 今次係陶妹兩歲生日, 又嚟一次. 

 

其實陶媽比個機會我地聚會啫, 小朋友戶內嬉戲, 大朋友就戶外BBQ.   雖然天色陰暗及有的雨, 無減我地嘅興致.

 

又係大量食物:

牛扒腸仔

中翼

 

三節棍

羊扒

什丸

 

焗烏頭, 扇貝, 各款菇, 粟米, 蕃薯.

 

 

仲有大量飲品

陶爸買咗新燒烤爐呀! 幾好架, 可以合埋, 又可以分開, 放個架上去就大量一齊燒都得.

 

今日無諗著飲酒, 六號部屋男主人帶咗枝酒嚟, 大家先開始飲.  呢枝酒有五十幾度, 非常烈酒

 

包裝仲好精美添, 不過呢的酒唔啱我地的女士, 係的男士先覺得好飲.

八號部屋帶了一瓶紅酒, 我地又飲少少啦.

三號部屋帶來了嫂嫂手做的"鳥結糖", 嘩, 好受歡迎呀!

有幾款口味, 又唔太甜, 大家食吓食吓, 成袋食哂!

五號屋又係煲咗一大煲腐竹雞蛋糖水



又到唱生日歌時間, 今次用cup cake代替蛋糕, 唔使切呀!  

 

大家又傾又講, 過了一個愉快的晚上.