紅色旅遊警示下的泰國優閒之旅 - Day 2

December 7, 2013, Saturday

一早起來, 昨晚好好瞓呀! 八點我地落去食早餐

8/F, Crave Café

呢間餐廳樓底好高, 好舒服呀!

不過今日人唔太多呢, 泰國示威真係影響旅遊業, 遊客少咗好多...(起碼少咗兩位哥哥嫂嫂及姪女)

每人一壺, 咖啡及紅茶

哈, 嚟住過兩次都唔見有中式點心, 今次有燒賣义燒包, 試吓先.

泰式蝦球粥, 加了魚露及辣椒粉

的味道都ok呀

飲一壺紅茶加的水果...夠啦.

跟著就係我地早餐後的優閒時間...上去10樓

一出電梯係Gym room, 不過唔係做Gym

經過Gym係休息嘅地方

左手面攞幾條毛巾先

行出去就係10樓空中游泳池

泳池唔係好大, 大約25M長吧!  但感覺好舒服呀!

我地响呢道攤抖咗兩個幾鐘, 我游咗20個堂先走呀...

用完嘅毛巾, 放回桶內.

游水真係好舒服, 不過游完上房就要梳洗, 攪咗一個鐘先出得門.

我地出去搭BTS, 經過Suk 11呢間類似市民宿嘅hotel...

草嘅背後就係餐廳(其實係街邊)

我地忍唔著又坐底食野, 有luch menu 架.

叫了燒雞髀

每人一碗什錦湯粉

每人一杯香茅什飲...我地呢張檯寫著 NO SMOKING

Kakakaka, 隔壁張檯就貼著NOW SMOKIMG AREA

食完坐ＢＴＳ出發去Wat Pak Nam, 呢間係一間廟，以前我地坐船去時叫河口廟，入面有一個泰國好出名的心得佛。

我地今年都係第一次坐ＢＴＳ去，好多年前坐船，最近呢幾年都係坐的士。今年問咗酒店，只要坐ＢＴＳ去到Talat Phlu（今年新開的ＢＴＳ站），跟著坐的士，幾分鐘就到。　這樣可以避開曼谷市的塞車。

落咗ＢＴＳ都係唔識路，問一位女士，點知佢好熱心，用手比畫帶我地去坐車。

 點知佢唔係叫的士，係叫停呢的tuk tuk, 咁佢上車，我同型爸都硬著頭皮上車。嗰位女士好好，不停問車上的人有無人去Wat Pak Nam, 跟著有位抱著小孩的女士點頭，佢坐咗兩個站就落車。跟著有兩個女學生上車，那位女士又問他們是否去Wat Pak Nam, 佢又交帶呢兩位女學生叫我地落車。那位抱著小孩的女士，早我地一個站落車，佢比錢司機時再交帶司機叫我地落車....我地真係感受到他們熱情的照顧。

我地坐係tuk tuk後坐，呢個窗後就係司機大姐啦。

順利去到Ｗat Pak Nam, 上香拜神。

走時見到Wat PakNam的Directory Board, 呢幾年加建咗好多地方呀！多年前只有近河幾個廟堂。


呢坐建築物係係新起，但仲未可以行入去，下次嚟先入去睇。

跟著我地坐的士去ＢＴＳ站，由Talat PaluＭ去Mo Chit

呢道咁多人做咩...唔係示威，呢道係Mo Chit站, 即係翟道翟，JJ Market

三點幾嚟到，今天天氣好好，唔係好熱，仲有的風添。

見到的芒果好靚，20baht..抵，即刻買嚟食，好甜呀，咁樣食隻手就唔怕污糟。

翟道翟入面嗰間餐廳又有卓頭，叫咗肥鬼佬煮大鑊海鮮意大利飯

咁大鑊，無興趣食呢！

我地又去食湯粉

幾好味呀！

一枝大可樂兩份飲

多咗好多檔賣芒果產品

又見到我喜愛的椰皇雪糕, 多咗好多檔爭生意。

但我都係嚟幫襯佢地, 35Baht, 好好味呀！

又嚟拉茶，好飽唔飲啦。

又多咗呢檔賣炒魷魚

５０baht三件多士。。。但我食唔落試唔到好唔好味添

呢的咩野嚟？

雪糕糯米磁

阿伯的炸大大粒魚蛋

行咗兩三個鐘，有少少收獲就走啦, 好攰呀，唔行得喧多。　

出番去搭BTS, 見到有個女士幫襯呢檣，上面的係魷魚，但入面的係炸昆蟲。

走時又影一張，仲多的人，係越夜越多人。

又搭BTS返Nana, 我地要去嗰道附近食晚飯

呢間餐廳叫Snapper, 紐西蘭餐廳

餐廳樓底好高，好舒服

亦都有戶外座位。外國人喜歡坐外面，而我就喜歡坐入面, 有冷氣呀!


 牆上一副掛晝介紹紐西蘭海域凡魚類

睇咗menu, 都係叫侍應介紹吓先。

今晚飲品

叫了牛仔肉

 凱撒沙律，炸魚...的魚好美味喎。

 要了鴛鴦蕃薯做side dish

今天的晚餐

叫埋單時，每人送了一杯酒精飲品。

呢餐1,318baht, 大約港幣三佰幾文，唔貴呀！

食完又行吓街

見到有香蕉班戟...唔抵得，又食。

不過以前係伯伯，現在變咗後生仔

好快整好，好味呀！

食完攞的野返酒店，休息一陣又去我地的晚上last program

按摩去也。不過今晚無咁好彩，我同型爸嘅技師都唔得。。明天要去第二間。

好充實的一天！