海鮮站午餐

December 14, 2013, Saturday

星期六唔需要返工, 好少會出尖沙咀, 但今日要出嚟攞隱形眼鏡, 好多年無帶, 最近配番, 唔知做咩鬼, 攞試片都攪錯咗幾次, 今日卒之有得攞咁梗係出嚟攞.  我都想快的試好的度數.

 

同型爸一齊出嚟, 順便食晏.  型爸唔知點解好掛著海鮮站, 咁地點方便, 咁咪去食囉.

 

今日叫了籠仔蒸芥蘭

 

 

黃金蝦

蒸班腩, 今日呢份班腩蒸得過咗火

 

三樣夠哂啦, 魚同蝦都跟一碗飯, 我食半碗都夠啦.



相比起, 午市就好抵食嘞.

 

食完又好忙喎, 攞試片, 跟著又去美亞, 今年大減價又開始, 但我要出差, 返嚟都好忙, 趁著今日有的時間去兜一轉....好彩都有的收獲, 無白行呀!

 

跟著去買餸, 接二公子, 返到屋企....時間啱啱好....參加陶妹的生日BBQ party.