紅色旅遊警示下的泰國優閒之旅 - Day 4

December 9, 2013, Monday

快樂的時光真係過得好快, 轉眼就到第四天, 本來早上都可以去游泳池hea吓, 但國泰cancel咗我地一點幾嗰班機, 我地要坐早一班十一點五十分, 無咗個半鐘, 唯有食完早餐就check out啦.

今日豐富的, 泰式雞肉粥+义燒包燒賣

仲有西式

再加的水果, 今日有石榴呀

醮的Palm salt, chili sugar嚟食, 幾好味架. 

我的喼中喼又發揮作用


兩喼去三喼返

放個細喼上去一齊推/拉就得啦.

我地覺得Nana站BTS嘅自動電梯比較遠, 索性叫酒店用tuk tuk載我地去Asok(即係Terminal 21), 嗰邊一落車, 行幾步上扶手電梯近好多.

不過等上BTS就要排隊, 等咗兩架先上到車...有的奇怪, 點解咁多人嘅, 原來每每架車都坐滿了要去人民紀念廣場示威的人.   泰皇生日, 佢地休息咗一個weekend, 今日又出發.  在車上, 他們都非常友善, 好安靜及有禮貌.

去到Phaya Thai轉機場鐵路

列車嚟啦.

嘩, 又係坐滿哂, 落車的都係要去示威, 有的一落機鐵就叫口號, 唔識聽泰文都大概知道佢地叫英祿下台.

當時唔敢影相, 我入咗車箱先由入面影出去呀!

順利去到機場, check in 後drop 低的行理就去duty free買野.

飛機準時起飛

今早食完早餐後無食過野, sever lunch時就覺我有的餓.

泰式甜酸蝦球飯

仲有水果及KitKat做甜品.

兩個半鐘頭好快到香港.

嘩! Arrival Hall 呢棵聖誕樹好靚喎.

Swarovski都幾大手筆, 响機場大賣廣告.

返到屋企, Loki飛撲過嚟狂錫型爸...錫完型爸到我....你叫我地點唔掛著佢吖...

哈哈, 唔使掛著二公子, 佢同朋友去咗韓國....大個仔啦, 第一次唔係同我地去旅行.

我地同Loki出去行吓, 叫Ruby煮飯.  出咗去幾日, 有的掛著自己屋企的幾餸一湯呀!

晚餐有鹹魚蒸肉餅

金菇牛肉

煎黃花

花膠猴頭菇煲雞, 好味, 但Ruby做咩唔隔咗的油呀!

幾天優閒假期就過了, 要返回現實世界.

食完晚飯又要開始睇公司email, 明天有客人到要開會, 要睇哂的email做好準備呢.

Work hard play hard, 祈待下一次假期.