即興聚餐

April 19, 2015, Sunday night

呢兩日做咩咁好節目嘅, 昨又型爸約林老闆打邊爐, 今天到八號部屋吹哨子來即興potluck.
我行完山返去, 响群組問我得唔得閒....

咁食飯幾時都要食架啦, 不過點都要等我休息回吓氣先.   行完山返到屋企, 成身汗第一時由頭洗到落腳.  跟著仲要去按摩椅按鬆吓小腿, 唔係明天可能抽筋呀!

一講potluck, 心中有數整的咩(哈哈, 無咩時間, 都係的懶人版架啦).  只要五點幾出去買的青瓜返嚟, 順便買埋餸就得啦.

七點準時出發,  今日第一位到的林老闆及林太


佢地整咗南乳炆豬手


秋癸炒菜心


八號屋女主人整了韓式燒豬腩肉, 生菜由我提供

五號屋的素鵝.  之前包好放入凍箱, 解凍煎番就食得

五號屋的青瓜麻醬手撕雞

Mrs. Kua遲到, 佢炒了米粉

遲到嘅原因係唔見咗礶豆豉鯪魚....搵極都搵唔到, 唯有淨炒油麥菜.

 Potluck就係夾份煮飯仔, 每家拎一兩碟餸一齊食.  大家一齊食, 多的選擇又可以食到每家不同的煮法.

餐後八號部屋開始拎的朱古力, 曲奇餅....

仲沖咗壺靚龍井

仲嚟!!! 使唔使咁多呀!

今日都飲咗幾款酒,白酒都開咗三枝.  飲哂的男士就開始飲whisky

跟著我地的女士就飲port.

大家飲飲食食梗係開心, 但十點就散bank啦, 因為明天要返工呀!

谷埔新娘潭行山樂

April 19, 2015, Sunday

近來天文台都好準, 話落雨通常都會落雨.   佢話今日間中有驟雨,  雖然有驟雨, 但無減我地行山組嘅興致, 仲要提早一小時, 八點就出發.

今日都係由南涌出發, 行谷埔, 去直昇機坪, 再去尤德亨, 再去新娘潭. 全程大概三個多小時

我今日狀態不佳, 唔知係咪氣壓好低, 頭嗰四十分鐘, 我行得頗辛苦, 汗如雨下, 好似有野壓著胸口, 心跳得很快.  要行得慢的, 休息多一兩次.

到直昇機坪後, 我地再向新娘潭方向

大約十五分鐘後便到尤德亨

跟著再向新娘潭方向

又經過呢條橫山腳北橋

不過呢條橋好短咋

見到呢個路牌, 大約仲有半小時, 但開始係落山路, 石路崎嶇不平, 都有的難道.

卒之行到出口啦,  新娘潭路, 即係八仙嶺自然教育徑

出口對面有個小亭, 我地休息一下先去食野.

呢道附近都無咩選擇, 都係去陳鳳記

佢地見我地熟客仔, 第一時間沖壺中國茶, 再整酥自家製蘋果醬

佢地又係要all day breakfast

型爸唔要茄汁豆, 要多一塊薯餅比我食.


我就叫咗豬扒雞翼麵同型爸share嚟食.

另外叫咗咖哩三寶, 一飯白勿雞

佢地見到的豬扒幾靚, 叫多一碟豬扒大家share嚟食.

呢餐HK$675. 每位HK$75.

行咗三個幾鐘, 食埋野, 返到屋企都只係兩點啫.

海鮮火鍋

April 18, 2015, Saturday

今日二公子放假, 晨早就問我地去按摩好唔好....咁梗係好啦.

自從去咗行山, 少咗去按摩好多啦.  因為行完山返嚟好攰, 本來去按摩係最好, 但太攰通常都唔願郁, 又唔想太夜返到屋企, 咁諗吓諗吓又唔去.

我地十點幾出返去按摩, 三點幾四點就可以返到屋企.  回程時型爸同我講, 約咗林老闆嚟我地屋企打邊爐, 一陣坐的士, 由佢去買海鮮, 我同二公子直接坐的士返屋企, 拎定的牛肉, 手打牛丸魚蛋出嚟.

哈哈哈哈, 咁好嘅....遵明!

今次我地食嘅手切肥牛, 叫陶媽幫我地响觀塘街市買架...一百三十幾文一斤


相比起我地平時去上水街市三百幾文一斤, 分別好大呀!  呢的牛無三百幾嘅咁滑, 但都有牛味架.

型爸去行市買咗大蟶子, 鮑魚


貴妃蚌,佢話買唔到的本地生蠔, 桶蠔就唔買啦


龍躉頸腩

水魷牛栢頁

我叫佢買咗半隻雞, 用調味醃咗再加紹興酒浸, 醉雞.

好豐富呀!   林老闆煲咗什魚湯(左上角那一煲), 超好味呀!

今次無落的咩野湯料, 只係清湯.....一二三掉的野落去.....開餐啦!

差唔多食完, 陸老闆走嚟問我地明天去唔去行山,  去, 梗係去啦, 上個星期已經無去, 明天一定要去呀!

我地好想林老闆都join我地一齊行, 但佢無興趣呢!

小廚滋味

April 17, 2015, Friday night

今日放工寧舍開心, 無收到秘書小姐通知, 即係話佢如期復工啦.   秘書小姐放產假, 佢本來應該4月13日復工, 但佢4月10日whatsapp我, 話BB未ready, 要extend一個星期.   唉, 呢幾個月都做到氣咳啦, 咁佢未ready, 我地無辦法都要體亮, 唔頂都頂咗咁耐啦.

下星期佢返到, 咁我就可以輕鬆的啦,  咁放工係咁好開心呢.

Cindy今日放假, 我七點幾八點先返到屋企, 唔會煮啦, 出去食啦.

又係我地喜愛嘅小廚知味, 佢地炒嘅小菜真係好夠火候

豆醬通菜炒牛肉.   出嚟食飯都可以學野, 原來潮式豆醬, 除咗用嚟配烏頭魚, 仲可以要嚟炒菜...我下次試吓先.

枝竹牛筋腩煲

茄子海皇煲

咁多餸, 我食少少飯得啦.

 

三個人三個餸, 我地都食唔哂, 的牛筋腩打包一半呀!

埋單HK$155, 哈哈, 仲要過食lunch, 有湯有飯有餸, 抵食呀!

找數

April 17, 2015, Friday

上次嚟East Side 食lunch, 已經係三個星期前嘅事.  本來講好麻煩鬼要請我地食一餐, 哈哈,  一等就三個星期, 因為佢唔舒服, 的感冒感感吓都感咗三個星期...

唉, 的天氣唔好, 我老闆支氣管炎都病咗成十日, 係咁發燒, 病一個星期瘦咗一個圈)

今日麻煩鬼主動要找數, 咁我地梗係樂意奉陪啦.

不過今日有的唔Like呀, 佢地嘅沙律吧的野無咗都唔re-fill.  成個salad 吧只有一款肉類, 就係沙樂美腸, 平時薄薄的都有十片八, 今日無咗都唔re-fill.

 
我就無所謂啦, 沙律唔落嗰兩片肉, 無所謂.  但慢麼麼係咁等唔出去攞著(因為只可拿一次).  結果都係白等, 真係唔re-fill, 我叫佢食的菜算啦.

因為無咩客唔refill, 我都覺得佢地唔係好啱.

今日麻煩得話事, 佢想食呢款鮮茄意粉

雞肉芝士pizza

grill salmon

大家share嚟食, 睇落好似好少, 但食落都真係好夠.

佢兩個要凍飲, 可以先上.  但我要熱咖啡就要後上.

食完諗著走啦...哈哈, 唔記得佢地仲有甜到死嘅朱古力moose, 配嗰杯好苦嘅咖啡就啱哂.

食完我走先去銀行, 埋單幾錢唔知啦. 都應該係一百文一個人啩.