輕輕鬆鬆提早出動

March 28, 2015, Saturday

今年真高興, 四哥四嫂剛從加拿大回來 (可惜不是新年時回來, 要不所有兄弟姊妹都齊全更高興).   媽媽年紀大, 已經不適合坐飛機,   前幾年我都會帶媽媽到加拿大, 現在要你們多回來看她呢!

四哥四嫂有好幾年沒有去掃墓, 下星期是清明節, 我們提早行動, 今日就去.

憑往常的經驗, 星期六的早上會比較少人,  我地相約十點半去到目的地鑽石山....哈哈, 真如我所料, 人不多.  他們先到山上拜祖母, 跟著再到山下靈灰位拜爸爸.

不用一小時, 我地已經全部攪掂可以一齊去飲茶啦.

因為怕要等位, 一早叫咗姑奶幫忙去陶源攞張八位檯.  佢每星期六都會同奶奶去飲茶, 只係順道攞多一張檯.    星期六十二點前, 點心仲有特價.

姑奶Whatsapp張點心紙比我, 問我要點的咩....哈哈, 睇完都唔使諗啦, 大部份都係$11.8 或$12.8, 最貴碟菜都只係$22.8...  我叫姑奶由頭點到落尾, 唔使考慮咁多.

真係時間啱啱好, 我地去到坐低, 的點心即刻到....真係爽呀!   為咗多謝姑奶, 當然埋埋佢張單啦....兩張檯加埋二十幾碟點心, 埋單都只係$496....抵抵抵呀!

飲完茶四哥四嫂同姪女要去銅鑼灣, 而我同型爸要去香港仔處理吓三千煩惱, 咁順道載佢地過海大家仲可以利用呢段過海時間傾吓謁添.

剪完頭髮, 返屋企前仲可以去大埔一田買沙律菜....今日事事暢順好開心呀!

唔知係咪心情好, 今晚覺得Cindy煮的野都好味的.

佢煮咖哩真係得架, 連的薯仔都覺得好好味.  又唔使落椰奶, 感覺上健康的添

皮蛋肉鬆蒸豆腐

蒜蓉白菜仔

南北杏蜜棗雪耳木瓜雞腳湯

三餸一湯, 好味呀...真係好韶出街食架.