公司年慶

March 20, 2015, Friday

 忙忙忙忙忙, 卒之到咗公司年慶的日子.  今天不止是年慶, 還有慶祝深圳公司遷址之喜.

公司下午休息, 訂了兩架過境大巴士, 下午接公司同事到深圳寫字樓參觀, 跟著去酒樓食晚飯.

而我同幾位同事, 一早先到深圳寫字樓打點一下, 還要為商量今晚的遊戲及綵排一下.

左騰右騰, 貶吓眼便一個早上.   下午我地去阿元獅食台菜.

麻婆弄腐

芹菜炒中卷(魷魚)

三杯雞


生炒掛骨, 呢的都係鬼仔鐘意食嘅.

仲有苦瓜炒蛋, 仲有條魚, 加加埋埋都有九個餸. 

食完要匆匆回寫字樓, 仲有好多野要準備.

的同事下午2:30分開車, 點知塞車, 差不多四點幾先到深圳寫字樓.   跟著就好忙啦, 帶佢地上上落落兩層介紹吓的地方.   咁多人上上落落, 行到腳都遠呀!

結果成六點先去到酒店. 先嚟個大合照啦.

跟著老闆致詞, 頒十年服務獎, 跟著再播的video....

晚宴開始, 根據以往經驗, 我等大家食哂野先開始玩遊戲.   國內晚宴, 通常都好早食, 七點就開始, 佢地上菜唔會停, 放到成檯都係, 咁不如就比大家食哂野先, 咁做司儀都唔使挨肚餓.

乳豬全體

豉油皇大蝦

沙律海鮮卷

雀巢炒什錦

今年唔比佢地飲中國白酒(幾十度嗰種), 淨係西式紅酒白酒同香檳

蒸海班

豉油雞

西蘭花雞柳

豬寸骨

草菇扒菜膽

炒飯

上湯浸青菜

生果盤, 仲有甜品添...

我食到豉油雞已經要開始準備的遊戲, 其他的都無食啦.

今年搵了國內同事同鬼仔幫手做MC, 氣氛十分好, 大家玩遊戲玩得好開心呀!

不過時間關係, 有兩個遊戲都唔夠時間玩.  九點零五分就要開始大抽獎, 因為訂了過境巴士, 我地九點四十五分使要離開, 的香港同事返到去都好夜啦.

大家都好開心, 個個都唔會空手而回.

今日真係好攰, 返到屋企沖完涼攤落床, 條腰好痛呀!   攰歸攰, 唔知係咪忙得制整晚都瞓唔著, 個腦好肉錄影機咁不斷回帶, 播放今日種種片斷.   好彩第二天唔使返工, 可以好好响屋企hear吓.

呢個大project完咗, 下星期仲有大把野忙呀!