打敗仗 - 七餸一湯

September 29, 2013, Sunday

瞓了一晚, 病情依然沒有好轉, 上次睇醫生的藥食哂, 今日一定要再睇醫生.  昨晚鄰居經過同我打招呼, 見我病到轉哂聲, 介紹咗上水一個醫生, 咁出去睇吓星期日有無開,  好彩, 開上午.

哈哈, 呢個醫生都幾有性格, 我帶咗舊醫生開的藥, 佢睇都唔睇, 淨係問我病情同檢查, 跟著就開藥.  咁我問醫生, 有無需要睇我上次食咗咩野抗生素, 會唔會係隻藥唔得, 所以我的病情變得嚴重咗.   佢話根據我現時嘅情況, 無需要開抗生素, 可能因為食咗抗生素, 我個胃先會痛咗咁多日.  如果的抗生素係得, 我唔會變到咁嘅樣啦....哈, 好寸喎.

睇吓佢開咗的咩....

七餸一湯, 胃, 腸, 鼻, 感冒, 止咳, 化痰, 抗敏....咩都有...埋單HK$340...真係抵食.

哈哈, 又信吓你睇吓得唔得.  不過我都唔覺得之前個醫生開抗生素有問題, 當其時我喉嚨紅腫, 鼻腔又紅腫, 咁梗係要開抗生素啦.  咁食咗三日抗生素而家咪無需要囉.

咁我當時無駁咀, 我都希望呢個醫生開啱藥., 等我快的好番唔使咁辛苦.

睇完醫生型爸又去買外賣, 又係同一地點, 因為就係附近, 最緊要係呢檔粥係無味精.

型爸要了魚片牛肉粥+ 炒米粉, 而我要了皮多瘦肉粥+腸粉.

的炒米粉又係勁大盒, 不過無昨天嘅豉油皇炒麵咁好味. 我碗皮蛋瘦肉粥同腸粉都幾好味 (我連續响屋企食咗幾餐白粥, 總之唔係白粥就好味啦).

晏的二公子約咗朋友返屋企BBQ同佢慶祝生日, 我病咗都唔理得咁多, 叫Ruby幫佢啦.   不過我都唔敢落去同佢的朋友打招呼, 我個病樣真係好嚇人.

乖乖地响房休息, 食完藥就瞓啦.