子薑炆鴨+張榮記蝦子麵

October 17, 2013, Thursday night

星期四Ruby放假，放工返到屋企，唔想煮，坐咗一陣同型爸開車出去。

哈哈，點知一開車就見到十一號部屋同十八號部屋女主人兩個人去散步，十一號部屋女主人問我做咩放咗工返到屋企仲出去呀，我話出去食碗麵啦。

點知佢話放咗工咁辛苦唔好出去啦，我炆咗鴨呀，煮個麵就得啦，我同型爸都覺得唔好意思，但十八號部屋女主人話，佢炆的鴨好好味架，佢都比咗一盒我呀!

我地講緊嘅時候，十一號部屋女主人已經返咗屋企攞比我啦...咁我同型爸泊返架車入屋。　Loki响道嗚嗚嗚，爸爸媽媽你兩個又出又入攪咩呀！

過咗幾分鐘，十一號部屋女主人唔止攞咗的鴨比我，仲有蝦子麵呀！

就係呢款張榮記蝦子麵，佢話好好味架。

呢盒就係子薑炆鴨，我只要翻熱就得

我覺得的麵好細個，咪一次過煮哂三個

只需要用水煮到適合嘅腍道，煮起又覺得好多，唔使落味，只需加少少鹽

 

我同型爸的晚餐.　的麵真係夠味，我加咗少少鹽，覺得有的鹹添。

個子薑炆鴨真係好好味，型爸唔食薑，比我食哂呀！正！

我呢道的鄰居真係好好架。