涼拌陳醋黑木耳

October 20, 2013, Sunday

整完鹽水毛豆, 跟著就整涼拌黑木耳. 

今早去街市, 竟然見到平時買菜嘅檔口有浸發咗黑木耳, 睇落非常厚身, 正呀! 買咗返去可以即做唔使浸呀!

咁當然自己要再洗乾淨啦.

 的木耳發好大嚿, 中間仲有的白白地色比較硬, 我用刀切去, 再將木耳切到適當大細.

又要預備一大碗冰水

燒滾一鍋水, 加入黑木耳煮大約3分鐘 (可以撈一塊上嚟試吓軟硬度)

 煮好撈起立即放入冰水降溫. 再撈起瀝乾水份

跟著就要整醬汁, 一早將的涼拌醬汁材料攞出嚟

不過今次唔用鎮江醋, 改用陳醋.

醬汁: 陳醋3-4湯匙, 一湯匙豆瓣醬, 一湯匙蒜蓉, 一湯匙糖, 一湯匙麻油, 一湯匙辣椒油, 一隻指天椒切碎

先將所有醬汁在碗中拌勻, 試味, 味道唔啱就自己調個啱自己嘅口味. 

最後加入已瀝乾水份的黑木耳拌勻.

蓋上保鮮紙放入雪櫃雪凍的.   食時從雪櫃取出可.

我試食已經覺得好好味!  Very nice!