東東鳳城水餃鮮蝦雲吞皇+ 壽桃牌生麵皇

October 14, 2013, Monday afternoon, 重陽節補假

眨吓眼三日假期又過咗兩日, 放埋今日, 明天又要上班.   今日唔可以懶洋洋啦, 有好多野要做....昨天買了餃子皮, 今天要包餃子.  加上昨晚收了一大袋禮物, 今日有排做呀!

做咩都好, 先攪掂午餐先啦.

我真係廿四孝阿媽, 昨天二公子話想食生麵, 我今早即刻去超市買, 仲買埋水餃同雲吞, 整雲吞麵佢食呀!

哈哈哈哈, 唔好煲到咁大, 只不過係買東東急凍鳳城水餃同鮮蝦雲吞皇

呢再加埋壽桃牌生麵皇, 惠康做特價推廣, HK$11.9一包

一包有六個, 每個獨立包裝.  唔需要汆水, 煮幾分鐘就得

 再加的白菜

好快就整好, 我用咗急凍水餃雲吞入面嘅湯包做湯底, 的湯好有大地魚嘅味道


煮了兩包雲吞皇, 一包鳳城水餃....好夠食呀!

今日飲品, 燕麥鈣思寶

我們的午餐

的水餃都幾大隻, 一包有8 隻

 

哎開入面有蝦, 筍, 雲耳, 豬肉, 好爽口, 幾好味.

呢隻雲吞皇都一樣好味, 同鳳城水餃味道好相似


只係入面少了筍及雲耳.

買呢的凍水餃雲吞, 真係好方便, 我自己包唔到呢的港式鳳城水餃同雲吞嘅味道呢!