新會柑-曬果皮

October 12, 2013, Saturday

下午出去買餸, 見到有好多新會柑, 嗰位檔主話就嚟收檔, 賣平的...HK$15 兩磅, 諗吓, 我從未試過曬果皮, 買嚟試吓都好喎.   我話要兩磅啦,  隔離個位太太話兩磅好少咋, 買多兩磅啦.  跟著檔主話HK$30 四磅, HK$50 六磅啦....講講吓又話五磅, 但我已經比咗錢.    走咗先醒起唔係咁計數喎, 究竟佢比咗五磅定六磅我呢, 好似五磅六磅我都係蝕喎.

返到屋企唔記得磅吓, 但數過大約有30個....HK$50, 即係每個HK$1.67...吓, 都唔平喎, 淨係要的皮喎.

用廚紙將每個柑抹軌淨

用小刀界開的皮, 一開四.....咦唔係好靚喎


一開三係咪靚的呢!

唔, 比較吓先,  都係一開三靚的.

界咗幾個一開四, 其他的全部一開三啦.

整起原來好少咋, 畀的皮再撕開, 整到我的指甲都花哂, 好彩我都預備今晚會整指甲


用繩串起, 梳梳落落都只係得一串    試嚟玩吓啫, 做阿媽好似要曬果皮, 我用緊嗰的果皮都係以前奶奶比嘅.  哈哈, 咁係咪得閒要哂定的放响到十年八年, 到第日送比大公子二公子呢!

之前醃鹹柑桔, 今年又浸梅酒, 咁唔差在曬埋果皮啦....不過呢道咁少, 自己用都唔夠啦.


剩番的肉暫時都唔知做咩好....又唔敢食, 好多人都話食柑好濕熱  .

同Ruby講, 我唔要啦, 妳鍾意點就點啦....

結果第二日, 我見雪櫃多咗枝柑汁.....不過我叫佢都唔好飲咁多, 糖份高, 又濕熱, 我驚佢肚痛呀!

係咪再要買的新會柑返嚟再哂呢?