病了幾天, 日日都渾渾沌沌無咩動力, 每日都仲係嗚吓嗚吓. 今日個頭同鼻卒之無咁重啦....鼻敏感真係好慘, 個鼻一發炎鼻痛頭痛, 的菌跟著就走去喉嚨, 再落埋氣管. 病親就係一條龍. 平時睇家庭醫生知道的病歷, 通常睇一兩次都會好, 但家庭醫生放假十天, 迫著睇其他醫生啦. 今次呢個醫生我都覺得係有良醫生, 無隨便開抗生素, 我覺得自己都病得幾重, 又睇吓今次唔食消炎藥又係咪真係可以好番. 不過今日已經係第三日, 病況好轉, 但同痊癒仲有一段距離, 食完藥仲要再去睇多次.
今日有的動力, 午餐就整的型爸鍾意食嘅. 昨日外賣買回來的米粉真係粗野嚟架, 無料得少少鹹味, 我叫Ruby加料落去再炒過比型爸食, 型爸都幫忙食哂佢.
今日炒番個佢鍾意食嘅台灣米粉, 等佢食得開心的.
呢隻台灣米粉, 上次用嚟放湯覺得的米粉嘅質感非常之好, 型爸話用嚟炒仲正, 今日就炒比佢食啦.
呢隻米粉好幼身, 只需要用凍水浸開至鬆散, 然後瀝乾水份.
呢隻米粉好幼身, 只需要用凍水浸開至鬆散, 然後瀝乾水份.
配料就用黑胡椒札肉. Ruby昨天醃咗的牛肉比我煮拉麵, 剩低咗少少, 加埋落去一齊炒啦..
本來淨係諗著加青瓜, 見到有包BB娃娃菜, 又加的BB娃娃菜. 先用滾水焯軟.
札肉切條爆香, 牛肉亦炒至八成熟. 盛起備用
青瓜切片, 蒜蓉起鑊爆香
加米粉一齊炒, 加調味....哈哈, 炒幾炒, 無力添, 叫Ruby繼續炒, 再將其他配料回鑊, 全部一齊炒....
咁就攪掂啦.
型爸突然話好想食粉果同魚肉燒賣...哈, 嗰日同佢去超市一齊買, 佢真好記性...無問題, 冰箱攞出嚟放入蒸爐蒸啫.
用鑊炒米粉, 蒸爐蒸粉果魚肉燒賣, 好快又有得食.
加杯大豆鈣思寶, 就係我地嘅假期午餐啦.
型爸好捧場, 食完一碟又一碟, 佢話好好味呀! 下次見到呢款米粉, 又要入貨先得啦.
no chilli sauce?
回覆刪除哈哈, 好想落辣椒醬架, 不過唔舒服, 暫停食辣野啦.
刪除