髮菜蠔豉冬菰炆海參

January 29, 2017, Sunday, 年初二

瞓响天王椅按摩咗成兩個鐘, 左背腰部好肉鬆咗的, 右腰背仍是痛得很利害, 其中一點按下去, 痛到上頭, 打孖食兩粒止痛藥, 不過效果不大.

覺得都係肌肉拉傷痛, 無生命危險, 無需去急症室, 食著止痛藥, 加塗藥膏加按摩頂著先啦.   行吓無咁痛, 瞓低反而有問題, 咁就行吓做吓野啦.

明天好多人嚟, Cindy忙緊醃的燒烤食物, 我就炆野啦, 最輕鬆簡單架啦.

 浸咗一包冬菰, 有88隻, 哈, 咁好意頭嘅

 再浸咗一大包蠔豉, 我都唔知有幾多隻.  洗淨浸一浸, 瀝乾, 先煎一煎的蠔豉

 仲有兩包急凍已發開參

再浸開的髮菜.

我用萬能煲炆, 先炆冬菰及蠔豉, 只需10 分鍾.

炆腍之後再回鑊調味(片糖蠔油), 加髮菜海參再炆一炆.  無加肉, 但炆起都好好味.

 分成三盒, 大盒明天食.   兩小盒入冰箱, 一盒初四, 一盒初八.

 大家比面, 都話好味.

如果加咗豬手落去炆, 即刻會覺得好肥膩唔想食呢!   淨係呢幾樣都已經好好味.