新春五號屋團拜

年初三, 年初四 & 年初八

新春有三批人來五號屋家團拜, 年初三我地家人來, 三十幾人即三圍檯, 點攪.   唯一方法係分流, 年青一輩最多人, 戶外燒烤就最啱

只需醃好的食物,佢地自己攪攪掂

不過都有好多野做, 煲蕃薯栗米粥, 栗米水, 腐竹薏米銀杏糖水....

仲要照顧年長唔鍾意燒烤的長輩

整咗十二款菜, 大多以素菜為主.

年初三人多, 真係頭都暈埋, 多得Cindy快手快腳, 再加埋五哥帶埋工人姐姐嚟幫手洗碗....
燒烤加小菜分流, 咁就攪掂咗三十幾人團拜.

年初四到型爸的家人來, 因少了大伯一家十, 只有十二人, 容易處理得多.  食物已醃好, 只需煲粥及糖水.  只需煮幾樣素菜招呼奶奶及二伯便可以.

到年初八老人們來訪, 十四五人都算係小兒科, 同一方法, 燒炸加素菜.  年輕的大多喜歡燒烤, 怕熱氣的又有小菜及蕃薯粟米粥, 佢地話五號屋係最好, 照顧哂佢地的需要.

同一模式, 三個聚會攪掂, 一身鬆哂.