長短程

January 22, 2017, Sunday

去完越南回來, 嗰道空氣污染好嚴重, 條氣管就更唔掂,  馬上要睇醫生, 但唔可以請病假, 一大堆工作等我返嚟做.   平時一月份咁多客嚟, 好少請假.  但咁啱可以去越南, 點都抽時間去啦.   咁要放假去玩, 就要接受返嚟繼續忙.

等到星期日, 卒之可以出嚟行山減壓, 吸收吓新鮮空氣.

今日都係分長短程行.   先去南涌觀音廟拜拜神, 跟著去鹿頸, 鳳坑, 再行去谷埔

嚟到呢道梗係欣賞吓的風景, 吸吓的新鮮空氣

咦, 呢道的牛去哂邊呀!

今日天氣好, 凍凍地好多人行, 宋伯士多好好生意呀!

行到去松記, 咦, 整過哂, 每張檯都有帳薘喎.

初八先開.

跟著行入蘭桂騰芳,原來的牛牛嚟哂呢道食草.

 行到呢道, 長程的行去烏蚊騰, 短程的就原路回程,   我地計算過兩邊路程相差大概30分鐘.

短程的可以响宋伯士多食碗豆花加一串燒賣, 跟著回程去攞車, 開車去烏蛟騰接行長程的隊友.

行完大家一齊去新明苑飲茶團年.

下一次行山應該係2月5日年初九, 到時再開年呀!