漁匠料理 - 2

April 24, 2018, Tuesday

上星期同型爸去幫襯漁匠, 覺得的野都係一般.  但聽聞呢間餐廳的評語唔錯, 咁今日決定再去一次, 唔叫套餐, 睇吓散叫單點又如何.

上個星期四好多人,今日就冷清好多喎!

我地三個人, 要了一客七點什錦魚生 HK$298.  即係有七款魚生, 哈, 每樣都係三件, 咁就啱哂我地一家三口每人每款一件.  的魚生好新鮮呀!

另外要了一個珍寶火山芒果魚生沙律HK$88, 估唔到咁大份, 夠哂三人食.  芒果加埋的醬汁好夾, 好味!

另外再叫多一客火龍卷 HK$88.....好長, 入面好似有十件壽司

另外再叫了一碗豬軟骨麵.   唔記得影相, 買相本來靚的.   一大碗分成三小碗, 所以個溫泉蛋咁醜樣.  呢碗麵都幾好味, 但我實在好飽, 食咗兩啖飲咗的湯就比型爸食埋佢.

埋單HK$542, 又係唔使加一.  平均每人HK$180.   咁我又覺得好抵喎.  上次叫個二人套餐, 的野都係一般, 埋單每人HK$150.

今次散叫, 的野食大份的啱口味的.  其實的野唔貴, 只係我地叫咗七點什錦魚生.

今次感覺良好, 下次會再嚟.