富臨晚宴慶母親節

May 10, 2018, Thursday

呢個星期係煩忙的一個星期.....係指個胃呀!  今個星期在外食足三餐, 跟著星期六又燒烤.....

姑奶响富臨訂咗兩圍, 哈哈, 又係挑選最經濟抵食的全包宴.   揀星期一至四食, 優惠的仲唔使迫著星期六日食. 其又係架, 可以早的食, 同一個餐無謂比多的錢, .

星期四嚟食平的又真係有道理, 平時嚟飲茶人山人海, 但今日來到, 成間酒樓大約只有六七成客.

 海蝦先上, 嘩咁大籠嘅, 的蝦好大隻

 乳豬到啦...睇嚟都唔係一隻.  哈哈, 睇吓斬件, 每邊12件...邊有咁啱架.

 呢碟菜麻麻, 近期的菜心唔靚, 呢碟咁平價, 的大廚唔該換第二款菜啦...

 碧綠龍鳳球, 個名咁好聽, 咪即係西芹炒雞球蝦球囉.

 
 竹笙海皇燕窩羹

 百花煎釀茄子

 清蒸海斑

 蔥油雞

跟著仲有蒸菜肉包, 甜品有桂花糕

所有菜式, 全部都係大眾化的家常菜式, 無貴價野.   咁嘅價錢, 免加一茶芥, 仲有八礶汽水(我地呢圍唔要啤酒), 的餸大大碟, 多人家庭晚飯團聚, ok啦, 好過自己煮呀!