喳咋

自疫情開始, 很多人都要家居工作,  盡量唔好外出食飯, 餐餐都在家煮, 整甜品, 焗蛋糕....疫情下找尋的快樂....食食食, 唔知大家有無増重呢.

我就花咗好多時間清吓的食物, 由其是個冰櫃.   煲咗幾次鮑魚螺片湯, 蝦又要清, 油甘魚鮫又要清.  帶子又要清.  本來買回來預備招呼親友的, 因聚會取消...全部都要一家人慢慢食哂.

跟著清理廚櫃, 發現仲有一包黑糯米...呀, 用嚟煲糖水先.

咩野糖水可以用黑糯米....就咪係喳咋囉.

煲喳咋, 材料好豐富呀!

Mar 14, 21, 28, 2020

 呢道有六款, 紅豆, 綠豆, 鷹咀豆, 紅腰豆, 花生, 咁當然仲有黑糯米.

 但呢的豆都比較硬, 要早一晚浸.

 另外仲會加眉豆, 但眉豆易腍, 就無需隔晚浸.

 仲有西米呀, 又係無需隔晚, 只係唔會咁早落, 所以分開浸

用咁一比六的比例, 即係如果一湯碗豆, 就落六湯碗.   無難道架, 只係將所有豆及黑糯米先煲半個小時, 加芋頭, 西米, 焗吓佢, 跟著加片糖 .

 覺得的料腍哂, 最後加椰奶, 咁就得啦.

今次的芋頭好靚, 煲起食落去, 軟腍腍輕輕的, 真係好好味.

因為太好味, 我連續三星期都有煲,  最後食到覺得無咁好味先停呀.....你話係咪傻架!