魚腥草蘋果茶

Apr 5, 2020 Sunday

昨天整蛋糕, 今日又搵的野嚟煲.

朋友Whatsapp 個recipe 比我, 話係抗痰特飲, 咁我又試吓啦.

其實我就已經煲咗幾次, 今次先記得影吓相.

第一次响菜檔見到, 佢賣剩一的, 我買咗嚟煲第一次.

第二次响另一菜檔, 見到二十文一斤, 就買咗一斤, 分三次煲.

 呢次係最後一次, 可能放入雪櫃耐咗, 的魚腥草顏色深咗色.

材料: 魚腥草一斤可以分三至四次.   蘋果一個 (我用了兩個), 椰棗6粒.  無花果3粒 (我用了蜜棗代替).

 加兩公升水, 大約煲二十分鐘就可以.

飲落去喉嚨覺得好舒服. 的蘋果可以食埋.

呢排整咁多氣炸食物,  飲呢的飲就最啱.

不過始終偏涼, 我煲咗幾次就停一停.   遲的先再煲過.