雞蛋拌勻, 加3湯匙鮮奶, 加鹽, 少許糖調味. 加蔥花
用蒜蓉起鑊
落洋蔥爆香, 加龍蝦肉爆香. 我落咗三份一龍蝦肉, 唔敢落太多呀!
跟著落蛋漿
我要炒滑蛋唔係煎蛋, 所以好快就將的蛋推開, 再炒幾吓至緊緊熟.
咁就攪掂啦. 五號屋嘅洋蔥龍蝦肉炒滑蛋.
2012年9月15日 星期六
2012年9月13日 星期四
新鮮龍蝦腳餚湯
今日本來都已經多野做, 結果仲要攪多一樣, 都唔知係咪攞苦嚟辛....
睇吓呢一大埋新鮮龍蝦腳, 昨天BBQ完, 個個都怕麻煩, 唔想整唔要呀. 只有六號部屋個姐姐話要少少. 咁無人要五號屋就食得唔好嘥啦. 再加上的龍蝦都食唔哂, 每家分一至兩隻, 係咪都要整, 咁就攞返屋企放咗入chill櫃.
今日攞出嚟, 先放入蒸爐蒸20分鐘
待涼之後我就拆肉, 只要爪前比較多肉嘅部份. 好似食大閘蟹腳咁, 剪開兩頭, 用小捧將肉推出嚟.
拆起的肉麵有一大碗呀!
的前腳同殼都留起
攪咗個幾鐘攪掂啦.
用個保鮮盒裝起的肉, 都好多喎, 如果用嚟炒蛋, 可以食兩三餐呀! 不過呢的肉真係唔易拆架.
睇吓呢的白色一條條嘅野, 係龍蝦肉入面嘅軟骨, 要全部撕出嚟, 唔係食時有骨囉.
的龍蝦殼就用牛油爆香, 加咗3.5公升水用嚟餚湯
大滾之後就轉細火, 煲2-3個鐘.
我都未知想點用呢的湯, 本來用嚟煲西式龍蝦湯就最理想, 但屋企唔夠料呀, 又唔想出去買. 一陣仲有大把野做, 又要煮晚餐, 都係諗吓先啦.
2012年9月12日 星期三
Farewell BBQ night
晚上BBQ, 佢地六點幾七點就開始, 不過我好遲先過去, 要攪埋屋企的野, 仲要餵Loki呢.
今晚BBQ响六號部屋舉行, 全個屋苑, 最大花園就喺道. 後園有蓋加天花吊扇, 天氣熱都唔怕.
今日真係好多人, 有十個部屋出席, 無咁大個地方, 真係唔掂架!
又係一貫咁多野食, 不過今次買少咗啦
因為我地訂咗一箱新鮮龍蝦, 大約有四十幾五十隻.
大量飲品生果
佢地負責燒野食, kakakaka, 五號屋就做不勞而獲嗰個.
燒完一大輪牛扒, 雞翼, 腸仔, 丸類
等的火細的, 就開始燒龍蝦啦.
不過一次燒唔到咁多, 都係6-8隻. 我地今次將的龍蝦腳剪哂出嚟, 如果唔係燒完的腳都斷哂啦.
呢隻係型爸架, 我就唔燒啦, 八號部屋拎返去幫我蒸呀, 我唔想咁熱氣.
成隻龍蝦, 超正.
成隻龍蝦, 超正.
哈! 同場加影, 大草猛一隻, 有成4寸長, 18號部屋主人同的小朋友喺花園玩, 隻草猛跳上佢隻手, 又唔走, 哈, 我地影佢相, 佢都唔怕喎.
林老闆帶咗支18年嘅Whisky叫Smokehead, 不過今日好多人飲, 唔知佢地夠唔夠飲呢.
的女士就飲白酒紅酒....都好似開咗4-5支, 唔飲酒嘅就有汽水涼茶, 仲有五號屋拎嚟嘅冬瓜茶.
食完就到的生果...士多啤梨, 菠蘿, 柚子, 蜜瓜,....
最後仲有雪糕涼粉, 今次加埋花奶....仲正呀!
大家傾吓講吓, 今日到零晨十二點幾先散band呀! 大家都好開心叨
香蔥煮黃魚
September 12, 2012, Wednesday
昨天見到免費報紙大府教煮餸, 香口蔥(火靠)黃魚, 呢個咩野字嚟架火字邊加個靠, 唔識打呢個字, 亦都唔識解, 不過睇完個recipe, 就覺得好似我平時煎煮黃魚, 只不過調味同做法有少許不同.
見到咁易, 我今日就試吓煮啦.
本來佢地用2湯匙醬油, 我就落咗2茶匙豉油加1茶匙老抽, 再加大半茶匙糖, 拌勻. 然後搽勻魚身醃30分鐘
跟著預備薑同蔥
本來條魚要炸, 但我唔想開咁大鑊油, 只係比平時落多少少油, 半煎炸啦. 不過唔可以大太猛火, 的魚搽咗豉油好易燶架. 煎好之後倒去多餘嘅油
用一湯匙油爆香薑蔥, 黃魚回鑊, 加入醃魚剩吓嘅汁, 加半杯水, 一湯匙紹酒, 每邊煮幾分鐘至收剩少許汁.
攪掂啦, 唔使用生粉水埋茨呀! kakakaka, 我覺得煮起同佢影出嚟都好似. (不過我全部都係跟一半唔跟一半囉.)
食落味道都唔錯喎, 用豉油糖醃過的魚都幾好味喎.
攪掂啦, 唔使用生粉水埋茨呀! kakakaka, 我覺得煮起同佢影出嚟都好似. (不過我全部都係跟一半唔跟一半囉.)
食落味道都唔錯喎, 用豉油糖醃過的魚都幾好味喎.
2012年9月11日 星期二
台灣冬瓜茶
September 8, 2012, Saturday Afternoon
台灣朋友送比我嘅冬瓜糖, 放咗入冰箱, 成日都唔記得, 今晚BBQ, 快的煲的比大家飲, 清熱又好味.
呢嚿冬瓜糖好大嚿呀!
今次用咗五公升水. 以前用4公升水, 煲起甜的, 飲時加冰, 但今晚人多, 要帶埋的冰就好麻煩, 所以都係煲多少少水好的
滾咗之後煲多25-30分鐘就得架啦. 試味, 都仲係幾甜...ok啦, 跟著打開蓋, 待涼
跟著入樽...有五樽, 攞出去賣都得呀!
的冬瓜糖入面有冬瓜架.
睇吓, 連冬瓜皮一齊製喎.
呢張睇得清的啦.
嗰幾樽冬瓜茶要放入冰櫃急凍呀, 唔係唔夠凍唔好飲架. 不過我就唔好飲咁凍啦.
攞到去, 佢地話好好飲呀! 五樽全部清哂.
跟著入樽...有五樽, 攞出去賣都得呀!
的冬瓜糖入面有冬瓜架.
睇吓, 連冬瓜皮一齊製喎.
嗰幾樽冬瓜茶要放入冰櫃急凍呀, 唔係唔夠凍唔好飲架. 不過我就唔好飲咁凍啦.
攞到去, 佢地話好好飲呀! 五樽全部清哂.
訂閱：
文章 (Atom)
昨日真係好攰, 由朝做到晚, 大部份時間都係喺廚房. 煮完晚餐, 仲要煲堆明天飲嘅湯. 跟著就川貝燉蘋果, 仲整定兩個麵團急凍, 咁weekday 放咗工整麵包都可以快的方便的. 做咗一日, 腰好攰呀, 瞓落床真係散哂...
不過瞓醒一覺, 又係新的開始, 今日仲要返工, 不過一返到公司, 我又精神奕奕. 我都係鍾意返工多的.
放工去咗一轉街市先返屋企, 又嚟忙過....
昨日拆好嘅龍蝦肉, 我要嚟炒蛋呀!
配料齊啦, 洋蔥, 蔥, 雞蛋, 龍蝦肉. 哈哈, 有的心急, 的洋蔥同蔥都切得太大粒, 無咁靚添.